د کرېکټ نړیوال شل اوریز جام سبا پيليږي؛ د سوپر کولو شرکت د افغان لوبډلې مالي ملاتړ کوي

ټاکل شوې د کرېکټ شل اوریز نړیوال جام سبا د (یکشنبه اکټوبر ۱۶مه) په آسټراليا کې پيل شي. چې لوبډلې به لومړی تمریناتي لوبې ترسره کړي.

بل خوا بلاخره افغان لوبډلې د کرېکټ شل اوریز نړیوال جام د پیلېدو په درشل کې مالي سپانسر پيدا کړ. د افغانستان کرېکټ بورډ ملي ادارې خبر ورکړی چې د افغانستان کرېکټ ملي لوبډلې مالي ملاتړ د سوپر کولا غير الکولي مشروباتو توليدونکي شرکت په غاړه واخيسته.

افغان لوبډله له وړاندې اسټراليا ته تللې او لوبو ته د چمتووالي لپاره په تمریناتو بوخته ده.

ټاکل شوې د افغانستان کرېکټ ملي لوبډله د روانې اکتوبر مياشتې په ۱۹مه نېټه د پاکستان لوبډلې سره په يوه تمریناتي لوبه کې مخامخ شي.

د يادې لوبې لپاره دواړو لوبډلو خورا ډېر چمتووالی نيولی او د نړۍ په ګوډ ګوډ کې د دواړو لوبډلو مينه وال د راتلونکي هیجاني لوبې لپاره په تمه دي چې ځينو مينه والو يې د لوبې ګټلو او بایللو په صورت کې د ملګرو په منځ کې له اوسه شرطونه ايښي دي.

د کرېکټ نړیوال جام مينه وال له اوسه د جام د پیلېدو لپاره شېبې شمېري.

افغان لوبډله به د نړیوال جام په الف ګروپ کې له اسټراليا، انګلینډ او نیوزیلنډ لوبډلو سره ولوبیږي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More