د ترهګرو د مالي ملاتړ له خړ لېست څخه د پاکستان نوم لېرې شو

د تورو پيسو د سپيناوي ادارې او له ترهګرۍ سره‌ د مالي مرستې د مخنيوي ادارې د پاکستان نوم د ترهګرو د ملاتړ له خړ لېست څخه وويست.

د رویټرز خبري اژانس د راپور په حواله دا پرېکړه د يادې ادارې د ځانګړې ډلې له خوا پرون په پاريس کې له دوه ورځنۍ ناستې وروسته وشوه.

د يادې ادارې مشر راجا کمار ويلي پاکستان د تورو پيسو سپيناوي او ترهګرۍ ضد‌ تمويل سیسټمونو کې له ډېر کار وروسته د نيمګړتياوو په لېرې کولو د‌ ګډ‌ عمل موارد بشپړ کړل. خو زياتوي که څه د پاکستان نوم له لېست ووت خو لا هم ډېر کار ته اړتيا ده چې پاکستان يې بايد ترسره کړي.

په ورته مهال د پاکستان لومړي وزير شهباز شریف په دې اړه په خپلې ټوېټر پاڼې ليکلي چې د FTAF له خړ لېست نه د پاکستان نوم لېرې کېدل زموږ دوامداره هڅې وې.

پاکستان په ۲۰۱۸ز کال کې د ترهګرۍ د مالي ملاتړ ضد ستراتيژيکي نيمګړتياوو له کبله په خړ لېست کې شامل شوی وو.

پاکستان کې دا مهال هم د يو شمېر ترهګرو ډلو پټنځايونه شته خو د پاکستان حکومت يې ردوي او دا پړه په افغانستان را اړوي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More