طالبانو افغانستان کې د FM په څپه د ازادۍ راډيو فعاليتونه بند کړل

د راپورونو له مخې ويل کيږي چې طالبانو د افغانستان ۱۳ ولايتونو کې د FM په څپه د ازادۍ راډيو نشرات بند کړل.

په ظاهر کې طالبانو د ازادۍ راډيو د نشراتو د بندېدو لامل د خپرونو د محتواو په اړه د شکایتونو شتون ياد‌ کړي.

تر دې وړاندې د طالبانو د اطلاعاتو او فرهنګ وزارت د مطبوعاتو رييس عبدالحق حماد د ازادۍ راډيو په يو راپور د نيوکې په ډول په ټويټر ليکلي وو چې موږ مجبور يوو چې د داسې مخربو رسنيو د فعاليت مخه ونيسو.

د هغې اشاره د ازادۍ راډيو د يو خبر په اړه وه چې کابل ته یې د پاکستان د بهرنيو چارو وزيرې حنا رباني په سفر د ټولنيزو رسنيو د فعالانو په غبرګون ليکلی وو، په دې خبر کې ازادي راډیو د ملايکې احمدزۍ په نوم د يوې فعالې خبریالې قول را اخيستی وو چي ويلي يې وو« ملايان له خدايه ډاريږي که له حنا جانې»

ازادي راډيو د FM په څپه د دوی د فعالیتونو د بندېدو په اړه په خپله فېسبوک پاڼه څه نه دي ويلي خو له اورېدونکو يې غوښتي چې په انټرنېټ په ژوندۍ بڼه د دوی نشرات واوري.

تر دې وړاندې طالبانو د يو شمېر نورو بهرنيو رسنيو فعاليتونه هم تړلي.

طالبان وايي چې د ټولو بهرنيو او کورنيو رسنيو فعاليتونه بايد د دوی د حکومت په ګټه وي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More