په تېره يوه اوونۍ کې په کندهار کې له ۱۵ ډېر طالبان ترور شوي
په دی وروستيو کې په کندهار ولایت کې د طالبانو ترور او هدفي وژنو زور اخيستی.
په تېره يوه اوونۍ کې په کندهار ولايت کې له ۱۵ ډېر طالبان د هدفي وژنو په پايله کې وژل شوي.
دا بريدونه په تېرو دووه ورځو کې د کندهار ښار په ۱۱,۱۲ او دويمه حوزه کې شوي.
خبريال ډاټ کام نه له کندهار ولايت نه سرچينو تاييد کړې چې هره ورځ درې-څلور طالبان ترور کيږي.
د هدفي وژنو له زياتېدو سره په کندهار کې طالب چارواکي سخت وارخطا دي او دی شپې تر ناوخته يې والي د وضعيت د کنټرول لپاره امنيتی مخابرو ته ناست وي.
ويل کيږي په کندهار ولايت کې طالبان له ډاره خپلو دندو ته نه ځي.
د دغه هدفي وژنو په پايله کې نه يوازې طالبان بلکې د طالبانو د کورنيو غړي هم په نښه کيږي.
د يادونې وړ ده چې په کندهار ولايت کې چريکي او هدفي بريدونه زيات شوي خو طالبان يې ردوي.
په ورته مهال د کندهار والي له پاکستانه د کندهار لپاره د امنيتي کېمرو د نصب غوښتنه کړې وه.
د خبریال ډاټ کام ادارې ته وړاندې په دې اړه ځينو سرچينو ويلي وو چې د کندهار والي وفا له خپلو پاکستاني بادارانو د CCTV مرسته غوښتې وه.
Comments are closed.