fbpx

لویه څارنوالي: ۷۳۷ انسان تښتوونکو ته سزاوې اورل شوې

په افغانستان کې د انسان تښتونې قضیې اوس بیخي عادي شوي او په دې برخه کې تر بل هرځای د لته ستر وحشتونه شوي ددې پيښو وروسته د عامو خلکو غوښتنه داده چې د داسې پیښو عاملانو ته سختې سزاوې ورکړي.

د افغانستان لویه څارنوالي وايي چې د انسان تښتونې قضیو کې يې ۷۳۷ کسو ته سزا وي اور ولې چې له دې جملې څخه له اعدامه پیل تر شپږو میاشتو د بند سزا وې موجو دي دي.

لویې څارنوالۍ ویلي چې ۳۷ کسو په اعدام محکوم  شوي او پاتي نور له سپږو میاشتو پیل الی تر شلو کلونو په بند محکوم شوي چې ټول به په خپله سزا ورسیږي.

دوی وایي ټولو قضیو ته د رسیدنې لپاره یوې کمېټې کار کړی او دغه چارې ترسره شوې دي د دولت ددې اقدام په هکله ښايي خلک خوشحاله شي ځکه تر ډېره د خلکو غوښتنه همداوه چې باید انسان تښتوونکو ته سزا ورکړل شي.

د انسان تښتونې وروستۍ پېښه په کابل کې د یوې ماشومې مهسا تښتونه وه چې وروسته بیا په وحشیانه ډول سره ووژل شوه، شپږ کلنه مهسا د کابل له خیر خانې څخه وتښتول شوه چې تښتوونکو يې له پلار څخه د درې سوه زره امریکا يي ډالرو غوښتنه کوله خو کله چې يې نه ورکوي تښتوونکي کوچنۍ مهسا وژني.

د پولیسو له ۲۴ ساعته پلټنې وروسته د مهسا جسد او قاتلان پیدا شول، ددې ماشومې پلار له دولت څخه وغوښتل چې د لور قاتلانو ته يې د مرګ سزا ورکړي ترڅو د نورو لپاره عبرت شي، همداشان په عامه توګه په ټولنیزو رسنیو کې د ټولو کارونکو افغانانو همدا غوښتنه وه چې د مهسا قاتلانو ته باید د مرګ سزا ورکړل شي.

هغه مهال افغان ولسمشر هم ویلي وو چې د مهسا د وژنې قضیه خواشینوونکي ده او ددې پیښي عاملانو ته به د قانون سره سمه سزا ورکړل شي.