پټان فلم؛ په فلمي نړۍ کې د شاه رخ خان شهکار

خبریال وېبپاڼه: له شاوخوا څلو کاله ځنډ وروسته د هندي سینما« بالیووډ» وتلي لوبغاړي شاه رخ خان د « پټان» په نوم یو فلم نندارې ته وړاندې کړ، چې د فلمي نړۍ د ګڼ شمېر مینه والو له هرکلي سره مخ شو.
د فلمي نړۍ یو شمېر مینه والو خبریال وېبپاڼې سره خبرو کې وايي، د پټان فلم کیسه تر هغې څو چنده جالبه ده چې په تریلر کې ښودل کېده.
دوی وايي، په دې فلم کې داسې صحنې دي چې د دوی له تصور پورته جوړې شوي.
دا فلم نن د هند په ۵ زره او د نورې نړۍ په ۴ زره سینماګانو کې نندارې ته کېښودل شو او په هند کې هغه سینماګانې هم ورته خلاصې شوې چې له تېرو څلورو کلونو راهیسې د کرونا له کبله تړل شوې وې.
شاه رخ خان له شاوخوا څلورو کلونو وروسته د فلم نړۍ ته را وګرځېد؛ خو دا فلم یې د نورو څو فلمونو څخه په توپیر د ګڼو خلکو پام ځانته اړولی.
د خبریال ویبپاڼې د معلوماتو له مخې، په دې فلم ۲۵۰ کروړه هندۍ کالدارې لګښت راغلی.
که څه هم یو شمېر مذهبي خلکو د دغه فلم مخالفت کړی او ویلي یې دي چې دوی مذهبي « زعفراني» رنګ ته په کې سپکاوی شوی؛ خو بیا هم دا فلم د ګڼو کتوونکو له هرکلي سره مخ دی.
د بالیووډ د سینما وتلی دا ۵۷ کلن ستوری شاه رخ تر دې وړاندې له سختو ننګونو سره هم مخ شو.
د سینما نړۍ یې ته د څو فلمونو وړاندې کول د تمې خلاف د خلکو خوښ نه شول او دغه راز یې پر زوی هم د دولت له لوري د نشه‌يي توکو د ساتلو تورونه پورې شول؛ خو بیا هم د نوموړي نوی پټان فلم نه یوازې په هند؛ بلکې په یو شمېر نورو هېوادونو کې هم د خلکو له پراخ هر کلي سره مخ کړی.
د یادونې وړده چې پټان یو جنایي جاسوسي فلم دی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More