د تورخم دروازه د طالبانو له خوا له خلاصېدو وروسته د پاکستان له لوري تړل شوې
د تورخم دروازه له څو ورځني ځنډ او بندېدو وروسته نن سهار خلاصه شوه خو د پاکستاني لوري يو ځل بيا وتړل شوه.
د په تورخم کې عيني شاهدانو خبريال وېب پاڼې ته ويلي چې د تورخم دروازه نن سهار د طالبانو له خوا خلاصه شوه خو پاکستاني لوري لا هم بنده ساتلې ده.
د تورخم دروازه څو ورځې وړاندې د طالبانو له لوري تر امر ثاني وتړل شوه خو پرون کابل ته د پاکستان د لوړ پوړي پلاوي له سفر وروسته هوکړه وشوه چې نن به ياده لار د تګ راتګ او ټرانزېټ پرمخ خلاصه شي.
په ورته مهال د ننګرهار دوربابا ولسوالۍ کې د طالبانو او پاکستاني ځواکونو ترمنځ نښتی شوي چې يو طالب په کې لګېدلی او د طالبانو په ځوابي ډزو کې د پاکستان درې مليشي عسکر هلاک شوي دي.
پرون کابل ته د پاکستان د دفاع وزير په مشرۍ لوړپوړي پلاوي له طالبانو سره په امنيتي، سياسي، اقتصادي او سوداګريزو مسايلو خبرې وکړې.
په دې وروستيو کې د افغانستان په سرحدي سيمو کې د طالبانو او پاکستاني ځواکونو ترمنځ نښتی زياتې شوي.
Comments are closed.