پاکستاني پولیسو د عمران خان د نیولو هڅې پیل کړي

خبریال وېبپاڼه: په محکمه کې د پاکستان د پخواني لومړي وزیر عمران خان له پرله پسې غیر حاضرۍ وروسته؛ په اسلام اباد کې پولیسو د هغه د نیولو هڅې پیل کړې دي.
پاکستانۍ ورځپاڼې ډان راپور ورکړی چې د عمران خان د نیولو لپاره د پاکستاني پولیسو له اقدام وروسته د تحریک انصاف ګوند مشر فواد چوهدري د خپل ګوند له ټولو کارکونکو غوښتي چې د خان کور ته ځانونه ورسوي.
چوهدري ویلي، د عمران خان د نيولو هر ډول هڅه به حالات خراب کړي.
هغه د پاکستان اوسنی یو وارداتي او د پاکستان دوښمن حکومت وباله او له واکمن ګوند څخه یې وغوښتل چې له عقلانیت کار واخلي.
خپرې شوي ویډیوګانې ښيي چې د اسلام اباد او پنجاب پولیس د عمران خان د استوګنې په شاوخوا کې د تحریک انصاف کارمندان نیسي.
د یادونې وړ ده چې د عمران خان او د پاکستان د واکمن ګوند له لوري له ډېره وخته سیاسي کشمکشونه روان دي.
خان ترې وړاندې هم ویلي چې د پاکستان اوسنی حکومت غلام او پر دوی تپل شوی دی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More