پاکستان کې په یوه ځانمرګي برید کې ۲۴ تنو ته مرګ ژوبله اوښتې
خبریال وېبپاڼه: نړیوالو رسنیو د یوه برید په پایله کې د ۹ پاکستاني پوځیانو د وژل کېدو خبر ورکړی دی.
رویټرز د پاکستاني پولیسو د ویاند محمود خان نوتیزي له قوله ویلي، دا ځانمرګی برید د دوشنبې په ورځ د پاکستان په جنوب کې شوی دی.
نوتیزي وويل چې په دې ځانمرګي بريد کې ١٥ تنه نور ټپيان شوي دي.
تر اوسه د دغه ځانمرګي برید په اړه نور جزیات نه دي خپاره شوي.
په دې وروستیو کې پر پاکستاني پوځیانو بریدونه زیات شوي دي.
یوه میاشت وړاندې د پېښور د پولیسو په یوه مرکز کې په یوه جومات کې په ځانمرګي برید کې نږدې سل تنه وژل شوي او ټپیان شوي وو.
د پاکستان حکومت په دغه ترهګریز برید کې ټي ټي پي په لاس لرلو تورن کړی ده.