د افغانستان د موسیقۍ ملي انسټیټیوټ د موسی شاهین د سمدستي خلاصون لپاره کمپاین پیل کړی
خبریال وېبپاڼه: د افغانستان د موسیقۍ د ملي انسټیټیوټ مشر د سیمه ییز سندرغاړي موسی شاهین له خوشې کېدو نږدې درې میاشتې وروسته د هغه د خلاصون لپاره کمپاین پیل کړی دی.
د دغه انسټیټیوټ مشر احمد سرمست یو ځل بیا د بشري حقونو له سازمانونو او ملګرو ملتونو وغوښتل، چې د دغه سیمه ییز سندرغاړي د ژر تر ژره خلاصون لپاره اقدام وکړي.
هغه په یوه ټویټ کې ویلي: “د موسی شاهین د خلاصون لپاره خپل غږ پورته کړئ، چې د طالبانو له خوا نیول شوی دی.”
یوه ورځ وړاندې سرمست په یوه بل ټویټ کې ویلي وو، چې افغان سندرغاړی موسی شاهین بې رحمانه شکنجه شوی دی.
هغه زياته کړې، چې دغه سيمه ييز سندرغاړى ناروغ دى او روغتيايي مرستو ته لاسرسى نه لري.
تر اوسه طالبانو د دغه سيمه ييز سندرغاړي د نيولو په اړه څه نه دي ويلي.
موسی شاهین د پنجشیر ولایت اوسېدونکی دی. نوموړی تېر کال په کابل کې د طالبانو له خوا نیول شوی و.
Comments are closed.