په امریکا کې ټاکنیزې سیالۍ؛ نیکي هیلي بایډن د معاصر تاریخ تر ټولو کمزوری ولسمشر وباله
خبریال وېبپاڼه: په ملګرو ملتونو کې د امریکا پخوانۍ سفیرې او د امریکا ولسمشریزو ټاکنو ته نوماندې نیکي هیلي جوبایډن د معاصر تاریخ تر ټولو کمزوری ولسمشر بللی دی.
هیلي دغه څرګندونې د امریکا د راتلونکي کال د ولسمشرۍ په ټاکنو کې د بایډن د بیا نوماندۍ تر اعلان وروسته وکړې.
هیلي ټینګار کړی چې د جو بایډن د تقاعد وخت رارسیدلی دی او یو ځل بیا پیاوړې او ویاړلې امریکا جوړه کړي.
نیکي هیلي د ډونالډ ټرمپ د ولسمشرۍ پر مهال د جنوبي کارولینا پخوانۍ والي او په ملګرو ملتونو کې د امریکا سفیره وه.
باید وویل شي، چې د امریکا اوسني ولسمشر جوبایډن پرون ورځ په رسمي توګه د راتلونکي کال د ولسمشرۍ په ټاکنو کې خپله نوماندي اعلان کړه.
هغه له رای ورکونکو وغوښتل چې هغه ته فرصت ورکړي چې د خپلې دندې حلف پوره کړي.
جو بایډن به د خپلې دویمې ولسمشرۍ دورې په پای کې ۸۶ کلن شي.
داسې ښکاري چې د هغه زوړ عمر د دې لامل شوی چې په امریکا کې ډیری دیموکراتیک رایه ورکوونکي په دې موقف کې د هغه د بقا په اړه فکر ونه کړي.
Comments are closed.