د برېښنا جوړونې پر مهال د برېښنا تخنیکي ډله د ماین ښکار شوه

خبریال وېب پاڼه/ د برېښنا جوړونې پر مهال د دوښمنانو له لوري د ځای پر ځای ماین د برېښنا پر کارکوونکو چاودنه کړې.

نن سهار د برېښنا تخنیکي ډله چې د کابل په ١٧مه ناحیه چمتلې سیمه کې د برېښنا ٦١٣مې پایې پر جوړولو بوخت و، ماین چاودنه پرې شوې.

د ماین چاودنې په پایله کې د برېښنا تخنیکي ډلې څلور تنه ټپیان شوي دي، چې د دوو تنو روغتیایي وضعیت وخیم دی.

د برېښنا پر تخنیکي ډلې بله درېیمه پرلپسې چاودنه هم وشوه، چې د برېښنا تأسیساتو او برېښنا کاروکونو ته په کې کوم زیان نه دی اوښتی.

د کابل په چمتلې سیمه کې د برېښنا ٦١٣مه پایه چې د چمتلې د برېښنا د سبسټېشن سره واقع ده او د واراداتي برېښنا وروستۍ پایه ده، چې تېره شپه ناوخته د رڼا د دوښمنانو له لوري پر ماینونو والوځول شوه.

د برېښنا د پایې درې تهدابونه تخریب شوي او یو سالم دی، چې برېښنا نه پرې شوې خو نن یې د بیا ترمیم لپاره د برېښنا تخنیکي ډله ورغلې وه، چې د ماین چاوذنې ښکار شوه.

دا څوم ځل دی، چې د کابل او یو شمېر نورو ولایتونو د وارداتي برېښنا پایې د نامعلومو وسله والو له لوري په ماینونو الوځول کیږي.

څو ورځې وړاندې هم یو شمېر وسله والو د کابل او ځینو ولایتونو د وارداتي برېښنا په ماینونو الوځولې وه، چې بیا یاده ډله د ملي امنیت کسانو له لوري له یو شمېر جګړه اییزو مهماتو سره ونیول شوه.

خلک له حکومت غواړي چې د برېښنا دوښمنانو ته دې د قانون له مخې سخته سزا ورکړل شي، تر څو نور بیا د داسې کړنو کولو ته زړه ښه نه کړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More