fbpx

ټرمپ: منځني ختیځ ته د سرتېرو د لېږلو پلان نه لرو

خبریال وېپ پاڼه – کابل ۱۵ مۍ د امریکا ولسمشر ډونالډ ټرمپ ویلي ، چې منځني ختیځ ته د سرتېرو د لېږلو پلان نه لري ، خو په خبره یې که اړتیا پېښه شي سرتېري به هم واستوي .

د دوشنبه په ورځ نیویارک ټایمز ورځپاڼې خبر ورکړ ، چې د امریکا دفاع وزارت د لوپوړو چارواکو سره په لیدنه کې منځني ختیځ ته د سرتېرو په لېږلو نوکړه کړې ده ، د نیویارک تایمر د خبر له مخې امریکا په پام کې لري چې منځي ختیځ ته ۱۲۰ زره سرتېري ولېږي .

خو ټرمپ تېره ورځ په یوه خبري کنفرانس کې وویل چې د نیویارک ټایمز دغه راپور ناسم دی او امریکا تر اوسه پورې په داسې کوم پلان غور نه دی کړی ، د ټرمپ په خبره که اړتیا پېښه شي نو تر دې به هم زیات سرتېري منځني ختیځ ته ولېږي . ټرمپ ویلي ، چې هیله لري د امریکا او ایران ترمنځ روان کړکېچ د خبرو له لارې حل شي او ایران په خپل چلند کې بدلون راولي .

په دې اړه د رویسې د بهرنیو چارو وزیر له خپل امریکايي سیال مایک پمپیو سره په لیدنه کې هم په دې اړه اندېښنه وښودله او ویې ویل چې باید هر څه واضح شي او هیله لري چې منځني ختیځ ته د امریکا د ۱۲۰ زرو سرتېرو لېږلو خبر حقیقت و نه لري .

ترمپ داسې مهال دا څرګندونې کوي ، چې د ایران او امریکا تر منځ اړیکې سختې ترینګلې شوې دي ، چې له کبله یې امریکا خپلې جنګې بېړۍ او همدارنګه بم غورځونکې الوتکې د ایران سره نږدې ځای پر ځای کړې دي .

له دې وړاندې ټرمپ د دواړو هېوادونو ترمنځ د کړکېچ د حل په موخه د خبرو وړاندیز کړی و ، خو د نوموړي دغه وړانديزی د ایراني چارواکو له لوري په کلکه سره رد شو. ایران وايي د امریکا د هرډول برید لپاره تیاری لري او دوی کولی شي چې له خپلې خاورې څخه دفاع وکړي