fbpx

نړيوال جام کې د افغانستان استازيتوب کوونکي لوبغاړي وپېژنئ

خبریال ویب پاڼه کابل – ۱۹ مۍ ۲۰۱۹: په راتلونکي ۲۰۱۹ کال نړیوال جام کې د افغانستان په ګډون لس مخکښې لوبډلې لوبېږي د دې نړیوال جام د پیلیدو وړاندې دلته د ۱۵ هغه افغان لوبغاړو پېژندنه کوو کوم چې په دې نړیوال جام کې د افغانستان استازیتوب کوي.

محمد شهزاد محمدي (ویکټ ساتونکی)

محمد شهزاد محمدي په ۱۹۸۸ میلادي کال په ختيځ ننګرهار ولایت کې زیږیدلی دی محمدي دا مهال ۳۱ کاله او ۱۰۸ ورځې عمر لري. نوموړی په افغان ملي لوبډله کې ویکټ ساتنه او د لومړي توپ وهونکي یا اوپنر دنده پر غاړه لري شهزاد د ملي لوبډلې ترڅنګ په تجارتي لیګونو کې هم وخت ناوخت لوبېږی. ټولې ۸۱ نړیوالې یو ورځنۍ سیالۍ ترسره کړې او ۲۶۵۳ منډې لري په یوې سیالۍ کې ډېرې منډې د زمبابوې خلاف ۱۳۱ دي نوموړی پنځه سلیزې او ۱۴ نیمه سلیزې له ځان سره لري

اصغر افغان:

پوره نوم یې محمد اصغر افغان دی نوموړی په ۱۹۸۷ میلادي کال د فبرورۍ پر ۲۲ مه نېټه په کابل ولایت کې زیږیدلی دی افغان دا مهال ۳۲ کاله عمر لري .اصغر افغان څلور کاله د افغانستان لوبډلمشر پاتې شوی دی نوموړي په ښي لاس په میډل ارډر کې توپ وهنه کوي. افغان دوه ځل په تجارتي لیګونو کې هم وخت ناوخت لوبېدلی دی ده د افغانستان لپاره تر دې دمه ۱۰۰ نړیوالې یو ورځنۍ سیالۍ ترسره کړي دي په دې سیالیو کې ټولې ۲۰۲۵ منډې لري په یوې سیالۍ کې ۱۰۱ منډې ډېرې دي یوه سلیزه او ۱۱ نیمه سلیزې په توپ وهنه کې شاملې دي دی د نایب وړاندې د افغانستان کامیابه لوبډلمشر و.

ګلبدین نایب:

ګلبدین نایب په ۱۹۹۱ میلادي کال کې د مارچ پر ۱۶ مه نېټه په لوګر ولایت کې زیږیدلی دی. نایب دا مهال ۲۸ کاله عمر لري نوموړی په افغان لوبډله کې د الرونډر دنده او د لوبډلمشرۍ دروند مسؤولیت پرمخ وړي نایب په تجارتي لیګونو کې ډېر نه دی لوبېدلی نوموړي د افغانستان لپاره ټولې ۵۳ نړیوالې یو ورځنۍ سیالۍ ترسره کړي دي. په دې لوبو کې ۸۰۷ منډې لري په دې سیالیو کې پنځه پنځوسیزي لري ، دغه راز کومه سلیزه یې نه ده وهلې خو ۸۲ منډې په یوې سیالۍ کې تر ټولو ډېرې منډې دي. د توپ وهنې ترڅنګ یې په توپ اچونه کې هم ۴۳ لوبغاړي سوځولي دي په یوې سیالۍ کې څلور لوبغاړي سوځول تر ټولو غوره توپ اچونه ده.

محمد نبي عیسی خېل:

محمد نبي عیسی خېل پر ۱۹۸۵ میلادي کال د جنورۍ پر لومړۍ نېټه په لوګر ولایت کې زیږیدلی دی. نبي دا مهال ۳۴ کاله عمر لری دی ډیر وخت د ملي لوبډلې ترڅنګ په تجارتي لیګونو کې هم لوبیږي محمد نبي په افغان لوبډله کې د الراونډر په صفت لوبیږي.نبي کله پر څلورمه کله پر دریمه ویکټ میدان ته راښکته کېږي دی یو له بهترینو تجربه ناکو الراونډرانو څخه دی. نوموړي تر دا مهاله افغانستان لپاره ۱۱۱نړیوالې یو ورځنۍ لوبې ترسره کړي دي چې په دې سیالیو کې ټول ۱۱۸ لوبغاړي سوځولي دي دغه راز په توپ وهنه کې ۲۵۲۶ منډې لري نبي په یوې سیالۍ کې ۱۱۶ غوره منډې لري، د یوې سلیزه ترڅنګ ۱۳ نیمه سلیزې هم په خپل نوم لري.

سمیع الله شینواری:

سمیع الله شینواری په ۱۹۸۷ میلادي کال د ډیسمبر پر ۳۱ مه نېټه د افغانستان په ختیځ ننګرهار کې زیږیدلی دی شینواری دا مهال ۳۱ کاله عمر لري . سمیع په افغان لوبډله کې د الرونډر په توګ په ښي لاس توپ وهنه او توپ اچونه کوي دی هر وخت پر څلورمه ویکټ میدان ته راښکته کېږي. د ملي لوبډلې ترڅنګ په تجارتي لیګونو کې هم لوبېدلی دی شینواري دا مهال د افغانستان لپار ۸۱ نړیوالې یو ورځنۍ سیالۍ ترسره کړي دي چې په دې سیالیو کې ټولې ۱۷۳۷ منډې جوړې کړي دي. په یوې سیالۍ کې غوره منډې ۹۶ دي نوموړی کومه سلیزه نلري خو ۱۱ نیمه سلیزي لري او په توپ اچونه کې ۴۵ لوبغاړي سوځولي دي

راشد خان:

راشد خان په ۱۹۹۸ میلادي کال د سپټمبر میاشت پر ۲۰ مه نېټه په ننګرهار ولایت کې زیږیدلی دی دا مهال ۲۰ کاله عمر لري راشد خان په افغان ملي لوبډلې کې لومړی توپ اچونکی و خو اوس الراونډر لوبغاړی ثابت شوی دی. راشد د ملي لوبډلې ترڅنګ په تجارتي لیګونو کې هم لوبېږي دی په ښي لاس ورو لیګ بریک ګوګلي توپ اچونه کوي. راشد دا مهال د ملي لوبډې لپاره ۵۷ نړیوالې یو ورځنۍ لوبې کړي او ټول یې ۱۲۳ لوبغاړي سوځولي دي نوموړي په یوې سیالۍ کې په غوره توپ اچونه کې اووه لوبغاړي سوځولي دي. راشد خان یو ځواکمن توپ اچونکی ثابت شوی دی راشد په افغان لوبډله کې یو ریکارډ داهم لري چې ژر یې سل لوبغاړي سوځولي دي
خان د توپ اچونې ترڅنګ په توپ وهنه کې هم ښه ځلیږي.

نور علي ځدراڼ:

نورعلي ځدراڼ په ۱۹۸۸ میلادي کال کې د افغانستان په خوست ولایت کې زیږیدلی دی ځدراڼ دامهال پوره ( ۳۰) کاله عمر لري نوموړی په افغان ملي لوبډله کې په ښي لاس د لوبې د پیلیز لوبغاړي په توګه توپ وهنه کوي لا په کوم تجارتي لیګونو کې نه دی لوبېدلی خو مجرب تخنیکي تجربه ناک لوبغاړی ثابت شوی دی نورعلي د افغانستان لپاره ټولې ۴۷ نړیوالې یو ورځنۍ سیالۍ ترسره کړي دي او ټولې ۱۱۴۸ منډې لري په یوې سیالۍ کې یوه سلیزه هم لري دغه راز اووه نیمه سلیزي هم په خپل نوم.کړي دي.

رحمت شاه:


رحمت شاه زرمتی په ۱۹۹۳ میلادي کال د جولای پر شپږمه نېټه د پکتیا په زرمت ولسوالۍ کې زیږیدلی دی زرمتی ۲۵ کاله عمر لري په افغان ملي لوبډله کې د الراونډ په صفت لوبیږي خو وخت ناوخت توپ اچونه هم کوي. دی تر اوسه په بهرنیو تجارتي لیګونو کې نه دی لوبېدلی د افغانستان لپاره یې ټولې ۵۹ نړیوالې یو ورځنۍ سیالۍ ترسره کړي دي په دې سیالیو کې ۱۹۳۵ منډې لري په یوې لوبه کې غوره منډې ۱۱۴ دی دغه راز ۱۴ نیمه سلیزي او څلور سلیزي جوړې کړي دي زرمتی د نړیوالو لخوا تخنیکي مجرب لوبغاړی بلل شوی دی.

حشمت الله شهیدي:

حمشت الله شهیدي په ۱۹۹۴ میلادي کال د افغانستان په لوګر ولایت کې زیږیدلی دی. شهیدي دا مهال ۲۴ کاله عمر لري دی په افغان ملي لوبډله کې ټاپ ارډر لفټ هېنډ یا چپ لاسی حوصله ناک توپ وهونکی دی. شهیدي هم په تجارتي لیګونو کې نه دی لوبېدلی د افغانستان لپاره یې ټولې ۲۹ یو ورځنۍ نړیوالې سیالۍ ترسره کړي دي په دې سیالیو کې ۸۰۷ منډې لري چې لوړې منډې ۹۷ د پاکستان خلاف ترسره کړي دي دی کومه سلیزه نه لري خو اووه نیمه سلیزه جوړې کړي دي.

نجیب الله ځدراڼ:

نجیب الله ځدراڼ په ۱۹۹۳ میلادي کال دفبرورۍ میاشت پر ۲۸ مه نېټه د افغانستان پر لوګر ولایت کې زیږیدلی دی نوموړی دا مهال ۲۶ کاله عمر لري. نجیب د افعانستان په ټیم کې په چپ لاس توپ وهنه کوي دی هر وخت پر پنځمه او شپږمه ویکټ میدان ته راښکته کېږي.ځدراڼ د ملي لوبډلې ترڅنګ کله ناکله په تجارتي لیګونو کې هم لوبېږی نوموړي د افغانستان لپاره ټولې ۵۵ نړیوالې یو ورځنۍ سیالۍ ترسره کړي دي. نجیب په دې لوبو کې ټولې ۱۲۱۰ منډې ترسره کړي او په یوې سیالۍ کې ډېرې منډې ۱۰۴ دي. نوموړی یوه سلیزه او اته نیمه سلیزي هم لري.

حضرت الله ځاځی:

حضرت الله ځاځی په ۱۹۹۸ میلادي کال کابل کې زیږیدلی دی ځاځی اوس مهال ۲۱ کاله عمر لري دی تازه د ملي لوبډلې سره یو ځای شوی دی نوموړی په افغان ملي لوبډله کې د لوبې د پیلونکي لوبغاي دنده لري ځاځی د ملي ټیم ترڅنګ په تجارتي لیګونو کې هم سږ کال ولوبېد تر اوسه نوموړي اووه نړیوالې یو ورځنۍ سیالۍ ترسره کړي چې په دې سیالیو کې ټولټال ۱۶۹ منډې جوړې کړي دي ډېرې منډې په یوئ سیالۍ کې ۶۷ دي دی اصلأ په شل اوریزو سیالیو کې په نړیواله کچه دویم ستر ریکارډ لري او دی لومړی نړیوال جام دی چې لوبوي.

مجیب الرحمن:

مجیب الرحمن په ۲۰۰۱ میلادي کال د مارچ پر ۲۸ مه نېټه په خوست ولایت کې زیږیدلی دی مجیب دا مهال ۱۸ کاله عمر لري دی ډېر کوچنی ملي لوبډلې ته راغلی دی په افغان لوبډله کې ورو توپ اچونکی دی. مجیب د ملی ټیم ترڅنګ يه تجارتي لیګونو کې هم لوبېږی دا مهال یې د افعانستان لپاره ټولې ۲۸ نړیوالې یو ورځنۍ سیالۍ ترسره کړي او ۵۱ لوبغاړي یې سوځولي دي مجیب په یوې لوبه کې ډېر پنځه لوبغاړي سوځول غوره توپ اچونه ده د نوموړي دا لومړنی نړیوال جام دی چې لوبوي.

حمید حسن:

حمید حسن په ۱۹۸۷ میلادي کال د جون میاشت په لومړنۍ نېټه په ننګرهار کې زیږیدلی دی. حسن دا مهال ۳۱ کاله عمر لري نوموړی په افغان لوبډله کې په ښي لاس چټکه توپ اچونه کوي حسن پر خپل وخت کې په تجارتي لیګونو کې هم لوبېدلی دی د افغانستان لپاره یې ټولې ۳۳ نړیوالې یو ورځنۍ سیالۍ ترسره کړي او ۵۸ لوبغاړي یې سوځولي دي نوموړی د خپل وخت تجربه ناک لوبغاړی دی چې د پښې د ټپ له کبله ډېری وخت د لوبډلې لپاره نه لوبیږي او دایې وروستی نړیوال جام دی نور به له یو ورځنیو سیالیو سره مخه ښه کوي.

دولت ځدراڼ:

دولت ځدراڼ په ۱۹۸۸ میلادي کال د مارچ میاشت پر ۱۹مه نېټه د افغانستان پر پکتیا ولایت کې زیږیدلی دی نوموړی دا مهال ۳۱ کاله عمر لري . دی په ملي لوبډله کې په ښي لاس چټکه توپ اچونه کوي دی په ځینو تجارتي لیګونو کې هم لوبېدلی دی دولت ټولې ۷۵ نړیوالې یو ورځنۍ سیالۍ ترسره کړي او ۱۰۳ لوبغاړي یې سوځولي دي. په یوې سیالۍ کې څلور لوبغاړي سوځول یې ښه توپ اچونه ده.

افتاب عالم:

افتاب عالم پر ۱۹۹۲ میلادي کال د نومبر میاشت پر ۳۰ مه نېټه په ننګرهار ولایت کې زیږیدلی دی نوموړی په افغان ملي لوبډله کې د میډیم فسټ یا منځني چټک توپ اچونکي دنده پر مخ وړي عالم تر اوسه په تجارتي لیګونو کې ځای نه دی خپل کړی. افتاب د افغانستان لپاره تر دې دمه ۲۲ نړیوالې یو ورځنۍ سیالۍ ترسره کړي چې په دې سیالیو کې ۳۳ لوبغاړي سوځولي دي په یوې سیالۍ کې غوره توپ اچونه څلور لوبغاړي سوځول دي.

Loading...