fbpx

هند : د سرغړونې په صورت کې به پر پاکستان برید وکړي

خبریال وېب پاڼه – پېښور ۲۱مۍ ۲۰۱۹ / هند یو ځل بیا پاکستان ته ګواښ کړی ،چې د کنټرول په کرښه کې به داصولو څخه د سرغړونې په صورت کې د دغه هېواد له سخت تند غبرګون سره مخ شي .

د هند د دفاع وزارت لوړ پوړي جنرال رنبیرسنګهـ ویلي ، دوی په رکنټرول کرښه د پاکستان هر ډول فعالیت څاري ، نوموړي زیاته کړې ده ، چې که پاکستان د شوې موفقې له اصولو څخه سرغړونه وکړي نو دهند له لوري به له سخت غبرګون سره مخ شي .

سنګهـ همدارنګه په کرښه کې هندي سرتېرو ته هم امر کړی چې د پاکستان فعالیتونه دې څاري او د هوکړې څخه د سرغړونې په صورت کې دې پر پاکستاني سرتېرو بریدونه وکړي .

د دواړو ګاونډیو هېوادونو ترمنځ اړیکې تر هغې وروسته ترینګلې شوې چې د فبرورۍ میاشتې په ۱۴ نېټه  دهند تر ولکې لاندې کشمیر کې پر هندي پوځیانو برید کې ۴۵ هندي پوځیان ووژل شوی ، چې پړه یې جیش محمد ډلې په غاړه واخیسته ، خو هند په دې کار کې پاکستان تورن کړی او د غچ اخیستو خبرداری یې ورکړل، هند هم د فبروۍ میاشتې په ۲۴ نېټه د پاکستان تر ولکې لاندې کشمېر کې هوايي بریدونه وکړل چې د جیش محمد ډلې د ګڼو مرکزونو دتباه کېدو پخلی یې وکړ .

Loading...