١١٣ کلنه ښځه څنګه له کرونا روغه شوه؟

خبریال وېب پاڼه/ ماریا برنیاس د ۱۱۳ کلنې هسپانوۍ مېرمن کورونا ناروغۍ ته ماتې ورکړه.

هغه په ​​هسپانیه کې تر ټولو د ډېر عمر لرونکې ښځه ده او د متقاعدینو لپاره په زوړ عمر کور کې ژوند کوي.

د فرانسې خبري اژانس ‘اے اېف پي’ په وینا، ماریا برنیاس په متحده ایالاتو کې زېږېدلې مګر له تېرو ٢٠ کلونو راهیسې د هسپانیا په ختیځ ښار اولوټ کې په خپل پلرني په کور کې ژوند کوي.

ماریا تېره میاشت د کورونا په ناروغۍ اخته شوې وه.

هغوی چې د ډېر عمر خاوندان دي، له دغې ناروغۍ مړه شوي خو دا په هسپانیا کې لومړی ځل دی چې يوه د لوړ عمر لرونکي مېرمن د کورونا ویروس له ناروغۍ څخه رغیږي.

پر کورونا ویرس اخته کېدو وروسته، ماریا په خورا جلا خونه کې ژوند وکړ او په پای کې یې د ناروغۍ پر وړاندې جګړه وګټله.

که مو په یاد وي، هسپانیې د نورو اروپایي هېوادونو په پرتله پر کورونا ویروس ډېر اخته کسان درلودل او ډېرو لوړ عمر لرونکو کسانو په کې خپل ژوند هم له لاسه ورکړی وو.

د هسپانیې پخوانۍ مېرمن په توګه، ماریا د مطبوعاتو او ټلوېزیون پام ځانته راوګرځاوه او په هسپانیا کې تر ټولو بختوره ښځه ګڼل کیږي چې د ۱۱۳ کلنۍ په عمر کې له کورونا سره په مبارزه کې بریالۍ شوه.

ماریا په کال ۱۹۰۷ز کې په مارچ مياشت کې د امریکا په سان فرانسيسکو کې زېږېدلې، په داسې حال کې چې د نوموړې پلارنی ټاټوبی د هسپانیه هېواد دی.

ویل کیږی هغه د لومړۍ نړیوالې جګړې په جریان کې د خپل پلار او کورنۍ د غړو سره په کښتۍ کې هسپانيې ته راغلې وه.

له کورونا ناروغۍ رغېدل هم بخت غواړي، که څه هم ویل کیږي، چې د ډېر عمر لرونکو کسانو ژوند تر ډېره د مرګ له ګواښ سره مخ کوي، خو په ځینو هېوادونو کې بیا د لوړ عمر لرونکو کسانو بخت ډېر ښه دی چې ژوند ورسره یاري وکړه او بېرته ورغېدل.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy