د اختر لمونځ دې په کورونو کې اداء شي

خبریال وېب پاڼه/ افغانستان د حج او اوقافو وزارت هېوادوالو ته سپارښتنه کړې، که چېرې پر کرونا ویروس یا کووېډ١٩ ناروغۍ اخته وي یا پر دې ناروغۍ د اخته کېدو وېره لري، نو کولی شي چې د اختر لمونځ د اداء لپاره جوماتونو ته ولاړ نه شي.

د حج او اوقافو وزیر عبدالحکیم منیب یادې څرګندونېېنن د روغتیا ویز فېروز الدین فېروز سره په یوه خبري ناسته کې وکړې.

د حج او اوقافو وزیر ښاغلي منیب د جګړې له ښکېلو غاړو د کوچني اختر د درداوي په مناسبت د اوربند او مخامخ خبرو ته د کېناستلو غوښتنه وکړه.

د افغانستان د عامې روغتیا وزیر فېروز الدین فېروز هم له هېوادوالو څخه وغوښتل، چې د کرونا ویروس یا کووېډ١٩ ناروغۍ نه د خوندیتوب په موخه دې اختر په خپلو کورونو کې تېرې کړي او له تګ راتګږڅخه دې ډډه وکړي.

په همدې حال کې د هرات د جامع جومات خطیب مولوي مجیب الرحمن اصاري، له خلکو وغوښتل چې د ډاکټرانو لارښوونې دې عملي کړي او د اختر مبارکۍ لپاره دې کورونو ته د ورتګ پر ځای د مبایل له لارې مبارکي وکړي.

نوموړی دا څرګندونې داسې مهال کوي، چې تر دې وړاندې یې د کرونا ویروس د مسلماناو لپاره رحمت بللی و.

دا په داسې حال کې ده، چې په دې وروستیو ورځو کې په هېواد د کرونا ویروس د مثبتو پېښو شمېر خورا مخ پر لوړېدو دی، تر دې دمه په ٩ زره کسانو کې د دې ویروس مثبتې پېښې ثبت شوي او که خلک احتیاط ونه کړي شمېر ورځ تر بلې نور هم پر لوړېدو دی.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy