چابهار له لارې هند ته ٤٨٠ ټنه صادراتي توکي لېږدول شوي

خبریال وېب پاڼه/ د افغانستان ٤٨٠ ټنه صادراتي توکي د کندهار له لارې چابهار او له هغه ځایه هند ته لیږدول شوي دي.

د افغانستان د سوداګرۍ او پانګونې خونه وایي د چابهار بندر له لارې د افغان توکو د صادراتو کچه زیاته شوې ده.

د دغې خونې د معلوماتو پر اساس، اوس تازه ۴۸۰ ټنه صادراتي توکي د کندهار له لارې چابهار او له هغه ځایه هند ته لېږدول شوي دي.

د سوداګرۍ او پانګونې خونه وایي هند له افغان سوداګرو غوښتي چې د غنمو د لېږد تشو کانټینرونو کې خپل توکي ځای پر ځای کړي.

اوس ټاکل شوې ده چې د هند د کمکي غنمو تنو کانټینرونو کې هم افغان داخلي تولیدات نوې ډیلي ته انتقال شي.

چابهار بندر هند ته د افغان توکو د لېږد یو مهم بندر بلل کیږي.

هغه بندر چې ځیني یې افغانستان ته د پاکستان د بندرونو بدیل بولي.

خو دغه بندر پر ایران د امریکا د بندیزونو له امله له یو لړ ستونزو سره هم مخ دی.

د دغه بندر له لارې د پيسو لېږدول یوه له دغو ستونزو نه ده.

د کانونو او صنایعو خونه وایي پېرېدونکي نه شي کولی چې د سوداګرۍ پیسې دغه بندر کې انتقال کړي.

افغان سوداګر د خپلو پیسو ترلاسه کولو لپاره په میاشت انتظار باسي.

د پاکستان د واګه بندر هم د افغانستان او هند ترمنځ د توکو د لېږد را لېږد لپاره غوره بندر بلل کیږي، خو پاکستان پوځیان وخت نا وخته دغه بندر کې ستونزې جوړوي.

په همدې حال کې په هېواد او نړۍ کې د کرونا ویروس له خپرېدو سره سوداګرۍ هم زیانمنې شوې.

د افغانستان او یو شمېر هېوادونو سوداګریزې اړیکې په ټپه درېدلي خو اوس حکومت هڅه کوي، د هېوادونو سره بېرته سوداګریزې لارې خلاصې کړي او یو ځل بیا خپلې سوداګریزې راکړې ورکړې او صادرات او واردات پیل کړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum