ولسمشر غني د دیني عالم آیاز نیازي د شهادت د ارزونې په پار پلاوی وټاکلو

خبریال وېب پاڼه/ ولسمشر محمد اشرف غني د وزیر محمد اکبر خان د جامع جومات خطیب او دیني عالم آیاز نیازي او ورسره د یو شمېر لمودځ کوونکو د شهادت د ارزونې په پار پلاوی وټاکلو.

د ولسمشرۍ ماڼۍ ویاند صدیق صدیقي وایي، ولسمشر غني د شهید آیاز نیازي او د شهید شویو لمونځ کوونکو د شهادت د هر اړخیزې اروزنې په موخه د نج او اوقافو وزارت د وزیر عبدالحکیم منیب په مشرۍ د ارزونې شپږ کسیز پلاوی وټاکلو.

صدیقي زیاتوي، چې په دې پلاوي کې د علماوو سر تاسري شورا، لوی څارنوالۍ، ملي امنیت شورا دفتر، کورتیو چارو وزارت او د ملي امنیت عمومي ریاست با صلاحیته استازي غړیتوب لري.

د ولسمشر غني د فرمان پر اساس دې پلاوي ته دنده ټاکل شوې، چې د شهید آیاز نیازي او نورو شهیدادو د شهادت موضوع دقیقه وارزوي او خپل اجرأت او موندنې د ولسمشرۍ ماڼۍ عالي مقام ته وړاندې کړي.

دا په داسې حال کې ده چې تېر ماښام شاوخوا ٧:٢٥ دقیقې د کابل په وزیر اکبر خان جامع چومات کې ځانمرګي بریدګر چاودېدونکو توکو ته چاودنه ورکړه او د جومات د خطیب او دیني عالم آیاز نیازي په ګډون یو شمېر لمونځ کوونکي شهیدان او ټپیان شول. ویل کیږي د بریدګر اصلي موخه مولوي آیاز نیازی وو، چې په شهادت یې ورساوه.

عامو خلکو له حکومت غوښتي چې د دې پېښې اصلي عاملین دې ژر تر ژره پیدا کړي او د قانون له مخې سزا دې ورکړل شي.

دا لومړنی دیني عالم نه دی چې پرې ځانمرګي بریدونه کیږي، بلکې تر دې وړاندې هم د هېواد یو شمېر جید او ممتاز دیني عالمان په ځانمرګو بریدونو کې په شهادت رسېدلي دي.

تر اوسه کومې ترهګرې ډلې د دې برید مسؤولیت په غاړه نه دی اخیستی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More