ډېر ژر به د افغان سولې په اړه درې اړخیزه ناسته ترسره شي

خبریال وېب پاڼه/ ضمیر کابلوف وايي ډېر ژر به د افغانستان سولې په اړه د روسیې، امریکا او افغانستان ترمنځ یوه ناسته برابره شي.

د افغانستان له پاره د روسیې ځانګړی استازي ضمیر کابلوف په خبره روسیه امریکا او افغانستان د یوه ویډیویي کنفرانس له لارې چې د جون په پنځلمسه باندې د افغانستان سولې په اړه برابریږي د بین الافغاني خبرو له پاره د اسانتیاوو برابرېدو په اړه خبرې کیږي.

کابلوف ویلي دي چې په دې درې اړخیزه ناسته کې د روسیې له لوري په خپله کابلوف، د افغانستان له لوري د بهرنیو چارو وزارت نوماند وزیر محمد حنیف اتمر او د امریکا له لوري زلمی خلیلزاد ګډون کوي.

ولسمشر تېره ورځ د خلیلزاد سره په لیدنه کې افغانستان کې د دایمي سولې ټيڼګښت او بین الافغاني خبرو په اړه لیدنه او خبرې وکړې.

له دې سره بیا د افغانستان سولې لپاره د امریکا بهرنیو چارو وزارت ځانګړی استاز زلمی خلیلزاد کابل ته راغلی او د افغانستان حکومت مشرانو سره یې لیدنه او خبرې کړي دي.

د افغعانستان سولې له پاره د امریکا د بهرنیو چارو وزارت ځانګړي استازي زلمي خلیلزاد د ولسمشر غني سره لیدنه کړې دا و د طالبانو سره د مستقیمو خبرو پيلېدو نه وړاندې د عملي ګامونو، تاوتریخوالي کموالي او نا اعلان شوي اوربند په تړاو خبرې کړي دي.

په ورته وخت کې بیا د قطر بهرنیو چارو وزارت ځانګړی استازی هم کابل ته راغلی او د عبدالله عبدالله سره یې په لیدنه کې یې د بین الافغاني خبرو کوربه توب چمتوالي ډاډ یې ورکړی دی.

همدارنګه په دې لیدنه کې د زندانیانو خوشې کېدو او د بین الافغاني خبرو پيلېدو وخت او ځای په اړه خبرې شوي دي.

له دې سره د قطر ځانګړي استازي د افغانستان حکومت بهرنیو چار وزارت سرپرست محمد حنیف اتمر سره هم لیدنه کړې ده او د ترهګرۍ پر وړاندې مبارزې په تړاو یې خبرې شوي دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More