صدیقي: د مالیې وزارت د کارکوونکو په اړه پلټنې کیږي

خبریال وېب پاڼه / د افغان جمهور رئیس ویاند صدیق صدیقي نن پنج شنبه په کابل کې خبریالانو ته ویلي، چې د مالیې وزارت د هغو لسګونه چارواکو او کارکوونکو په اړه به پلټنې کیږي،چې له هېواده له وتلو منع شوي دي.

صدیقي خبریالانو ته وویل چې له اداري فساد سره د مبارزې په برخه کې به فعالې ادارې خپل کار ته دوام ورکوي.

د نوموړي په خبره د یاد لېست او د اداري فساد په اړه پلټنې د جرم په مانا نه دی او برائت د قانون له مخې اصلي حالت دی.

په هغه لېست کې چې خپور شوی په کې دمالي وزارت د چارواکو ترڅنګ ۶۸ کارکوونکي شامل دي.

په یاد لېست کې د مالیې وزیر د دفتر رئیس، درې مرستیالان ، د عوایدو او ګمرکونو څو رئیسانو هم شامل دي.

په خپور شوي مکتوب کې له متن ښکاري چې د ملي امنیت ادارې لخوا په کابل کې د حامد کرزي نړیوال هوايي ډګر د سرحدي پولیسو قومندانۍ ته استول شوی.

په مکتوب کې ویل شوي، چې د ولسمشر محمد اشرف غني د شفاهي لارښوونې له مخې د مالیې وزارت ۶۸ چارواکي ممنوع الخروج شوي دي او د مکتوب له مخې تر بل امر پورې له هېواد بهر ته د تللو اجازه نه لري.

خو بل لورته د مالي وزارت بیا د خپلو لسګونو کارکوونکو د ممنوع الخروج  کېدو په اړه ناخبري وښوده.

د مالیې وزارت ویلي و، داسې کوم رسمي لېست یې نه دی ترلاسه کړی، چې په کې د دوی کارکوونکي ممنوع الخروج اعلان شوي وي.

صدیقي د دې لست په اړه د یوې پوښتنې په ځواب کې هغو راپورونو ته په اشارې سره، چې په دې لست کې د یادو شویو کسانو په اړه شته وویل د ادارې فساد د تورونو په اړه څېړنې یو دوام داره کار دی خوپه خبره یې هغه څه چې په دې لېست کې را غلو کسانو ته باید د ده په وینا واضحه وي هغه دا دي، چې د قضايي ادارو له پریکړو مخکې دا ډول کسان بې ګناه دي.

ویاند صدیقي  د دولتي عایداتو راټولوونکو ادارو په تېرو ګمرګونه څېړنو ته په اشارې سره وویل چې ولسمشر دې برخه کې د شته تورونو د څېړلو په اړه جدي دی او دې برخه کې ډیر پام کوي.

د یادونې ده چې دا لومړی ځل دی چې د مالیې وزارت د لوړ پوړو چارواکو په ګډون په دومره ډیر شمیر کې د کارکوونکو په اړه دا ډول جدي او سخته پریکړه کیږي.

هغه په ټینګار سره وویل، چې د دوی دا پریکړه سیاسي موخه نه لري او نه هم د فساد پر وړاندې مبارزه سسته شوې او زیاته یې کړه چې د تېر په څېر دوی ته اوس هم له فساد سره مبارزه یو اصل او لومړیتوب دی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More