مسؤلین: سږکال کندز کې د هندواڼو حاصل تر ۱۰۰ زره ټنو رسیږي

خبریال وېب پاڼه / د کندز ولایت د کرنې او مالدارۍ د ریاست مسولین وایي سږکال په دې ولایت کې د هندواڼو حاصل نږدې ۱۰۰ زره ټنو ته رسېږي.

د دغه ولایت د کرنې او مالدارۍ رئیس عبدالهادي قرلق وایي ، تېر کال د کندز په درې زره او ۳۳۴ هکټاره ځمکه هندواڼې کرل شوې وې.

قرلق وایي، سږکال په نږدې درې زره او ۴۶۰ هکټاره ځمکه کې هندواڼې کرل شوي، چې د تولید کچه یې څه باندې ۱۰۰ زره مټریک ټنه اټکل شوې ده.

د کندز د کرنې ریاست وایي تېر کال د کندز په درې زره او ۳۳۴ هکټاره ځمکه کې هندواڼې کرل شوې وې او د ارزونې له مخې له دغو کروندو څخه نږدې ۹۳ زره او ۳۵۲ ټنه هندواڼې حاصل اخیستل شوی و.

قرلق وویل ،سږکال د هندواڼو د کرکېلي کچه نږدې ۱۲۶ هکټاره زیاته شوې ده او په همدې توګه د اټکل له مخې ښايي د هندواڼو په حاصلاتو کې هم نږدې اووه زره ټنه زیاتوالی راشي.

خو بل لورته بزګران د حاصلاتو پر زیاتوالي خوښ دي خو وایي، د کرنې ریاست ورسره باید ورسره مرسته وکړي څو هندواڼې په ټیټه بیه ونه پلورل شي.

بزګران دغه راز د پلور لپاره د بازار سربیره له حکومته غواړي څو ورته سړې خونې جوړې کړي.

دوی وایي هرکال د هندواڼو حاصلات یې ډیر وي خو  د حکومت د نه پاملرنې له امله د پلور په برخه کې له ستونزو سره مخ وي.

بزګران وایي د سړو خونو د نشتون له امله یې ډیری هندواڼې له منځه ځي.

د کندز ترڅنګ په فاریاب او ننګرهار ولایتونو کې هم د هنداوڼو په حاصلاتو کې د تیرو کلونو په پرتله زیاتوالی راغلی خو بزګران یې د پلور په برخه کې د ستونزو یادونه کوي.

کرنیز پوهان وایي، هرکال د کرنې اړوندې ادارې بزګران دې ته هڅوي څو په کروند ښه لګښت وکړي او ښه حاصل ترلاسه کړي خو په خبره يې د پلور لپاره یې د بازار غمه نه کوي.

دوی وایي که د افغانستان هندواڼو ته د نورو تازه میوو په څیر په نړیوال بازار کې هم د خرڅلاو لار پيدا شي په نړیواله کچه به د هیواد نوم روښانه کړي.

کندز هم د هیواد په کچه په کرنیزه برخه کې د ښه حاصل له پلوه شهرت لري خو کروندګر کې هروخت د حاصل د راټولو پرمهال د پلور په غمه کې وي او ګیلې په زړه کې لري.

اوس وبه لیدل شي چې دولت څومره په دې بریالی کیږي چې د کندز هندواڼو ته د پلور په بازار کې له بزګرانو سره مرسته کولای شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More