جولای کې د حکومت او طالبانو مخامخ خبرې پیلېږي

خبریال وېب پاڼه/د رویټرز خبري آژانس معلومات ښیي چې د بندیانو د تبادلې پر سر د حکومت او طالبانو تر منځ د اختلافاتو له نسبي پای ته رسېدو وروسته اوس تمه ده چې په نیږدې راتلونکي کې بین الافغاني مذاکرات پیل شي.

رویټرز خبري آژانس ته څو مؤثقو سرچینو ویلي دي چې د بندیانو د تبادلې پر سر د حکومت او طالبانو تر منځ د اختلافاتو له نسبي پای ته رسېدو وروسته اوس تمه ده چې په نیږدې راتلونکي کې بین الافغاني مذاکرات پیل شي.

دغه خبري اژانس د څو سرچینو له قول راپور ورکړی چې د افغان دولت او وسله وال طالبان به ژر په خپل منځ کې د سولې خبرې پیل کړي.

په ورته وخت کې د افغانستان لپاره د ملګرو ملتونو ځانګړې استازې د یو ویډیویي کنفرانس له لارې د ملګرو ملتونو د امنیت شورا ناستې ته د افغانستان د امنیتي او سیاسي وضعیت په اړه د خپل درې میاشتني راپور د وړاندې کولو پر مهال وویل چې د سولې په برخه کې لاسته راغلې موقع د افغانستان لپاره بې سارې ده.

د افغانستان لپاره د ملګرو ملتونو سازمان ځانګړې استازې ډبورا لیون ویلي دي چې هیله منده ده د افغان حکومت او طالبانو تر منځ خبرې اترې به په څو راتلونکو اوونیو کې د جولای په میاشت کې په دوحه کې پیل شي. دواړه لوري داسې انګیري چې، د سولې خبرې اترې به پېچلې وي او ډېر وخت به هم ونیسي. نوموړې زیاتوي چې دواړه لوري د مخامخ خبرو پر مهال نرمښت وښيي او د راتلونکي په فکر کې واوسي.

ورته مهال په ملګرو ملتونو سازمان کې د افغانستان دایمي استازې عادله راز د ازادو شویو طالب بندیانو شمېر ۳۸۱۳ تنه بولي، افغان حکومت په مسوولانه توګه د ۵ زره طالب بندیانو پر ازادولو کار کوي. تر اوسه شاوخوا ۳۸۱۳ بندیان آزاد شوي دي.

په هېواد کې د طالبانو له لوري د تاوتریخوالي دوام او د جګړو له امله د ولسي وګړو تلفات د امریکا او بریټانیې اندېښنې هم راپارولي دي.

په ملګرو ملتونو سازمان کې د برېټانیا دایمي استازی جناټان الن په دې اړه ویلي دي چې برېټانیا د تاوتریخوالي ډېروالی چې طالبان یې لومړی درجه مسوولین دي په کلکه غندي. دغه ډېرښت د سولې په اړه د طالبانو رېښتینولي کمزوری کوي.

ویل کېږي د حکومت او طالبانو تر منځ ترمنځ اختلاف د شاوخوا ۲۰۰ داسې طالبانو پر سر و چې د افغانستان د حکومت او د ناټو د ځینو قوماندانانو په وینا په لویو او خونړیو بریدونو او سترو جنایتونو کې لاس لري.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More