The news is by your side.

کابل کې چاودنې ۴ کسانو ته مرګ ژوبله اړولې

د کابل ښار څلورمې امنیتي حوزې په مربوطاتو کې چاودنې لږ تر لږه ۴ کسانو ته مرګ ژوبله اړولې ده.

امنیتي سرچینې وایي، پیښه نن له غرمې مخکې د زور اباد سیمې په مربوطاتو کې رامنځته شوې ده او په ترڅ کې یو تن شهيد شوی او درې نور ټپیان دي.

د کابل امنیه قوماندانۍ ویاند حشمت ستانکزي تائید کړه، چې پیښه د کابل ښار د څلورمې امنیتي حوزې په مربوطاتو کې رامنځته شوې ده، خو د چاودنې نوعیت په اړه یې څه نه دي ویلي.

نوموړي زیاته کړه، چې درې کسان چې د چاودنې له امله ټپیان شوي وو د امنیتي ځواکونو له خوا روغتون ته لېږدول شوي دي.

ويل کېږي چې د يادې چاودنې مسووليت داعش ډلې په غاړه اخيستى.

دا په داسې حال کې ده چې تېره ورځ هم د کابل ښار د پنځمې امنیتي حوزې په مربوطاتو کې پنځه کسان د مقناطیسي ماین د چاودنې له امله ټپیان شوي وو.