نن د بخپلمنځي خبرو د پیل ورځ وه خو ولي ‌پیل نه شول ؟

خبریال ویب پاڼه / د امریکا او طالبانو ترمنځ د سولي د هوکړه لیک له مخي‌ نن د بین الفغاني‌ خبرو د پیل ورځ وه ؛ خو دا خبري بیل نشوې . ددې خبرو د نه پیل کېدو دوه علتونه په ګوته شوي ې یو یې د افغان حکومت کور دننه او بل یې له حکومته بهر د طالبانو د غوښتنو په تړاو دی .

کور دننه افغان حکومت جوړ جاړي‌ ته نه دی رسېدلی او تر اوسه یې پلاوی هم نه دی اعلان کړی ؛ خو د طالبانو غوښتنه چې (۵۰۰۰) نیول شوي‌ بندیان دی آزاد کړل شي‌هم ولسمشر غنی رد کړې ده .

ولسمشر غني وايي‌ چې د افغانانو ترمنځ خبرو کې به دا موضوع باندي‌ بحث وشي‌، خو طالبان وايي‌ چې لمړي‌ توب د زندانیانو خوشي‌ کېدل دي‌.

که څه هم تر اوسه دواړه لوري‌ پر خپلو خبرو ولاړ دی ؛ خو داسي برېښي‌ چې اوس به د امریکا متحده ایالات په دواړو خپله خبره ومني‌.

له ارګ نه یوې سرچینې خبریال ویب پاڼې ته وویل چې د طالب بندیانو د بایو میټرک پر سلسله کار روان دی او تر اوسه پوري سلګونه کسان بایو میټرک سوي دي .

سرچینه وايي‌ چې په راتلونکو دوو اونیو کې به ولسمشر غنی شاوخوا (۵۰۰) پنځه سوه هغه کسان آزاد کړي‌چې عمرونه یې لوړ یا په ناروغیو اخته دي .

دا به د افغانانو ترمنځ د خبرو د ښه نیت په وجه آزاد کړل شي‌ ، او پر پاتې نورو به په سله سله واره توګه کار کېږي‌.

بل لورته دافغانستان نوی حکومت له یوه نوي‌کړکیچ سره مخامخ شوی چې ښايی  د سولي‌پر پروسه سیوری وغوړي ؛ خو اوس دامریکا متحده ایالات هڅه کوي‌چې دې ستونزي‌ ته هم لار پیدا کړي .

تازه د امریکا د بهرنیو چارو وزیر مایک پمپیو خبر ورکړ چې متحده ایالات د یوه خپلواک او یوموټي افغانستان غوښتونکي‌ دي  او د سیاسي توپیرونو د حل لپاره د موازي حکومت یا هر ډول ځواک د کارولو ؛ له هر ډول هڅو سره مخالفت کوي ؛‌ د ټول شموله حکومت غوره کول د سولې لپاره مهم دي. نوموړي‌ دا خبري پر خپله ټویټر پاڼه تېره شپه لیکلې دي .

د متحده ایالاتو د بهرنیو چارو وزیر په داسي‌ وخت کې دا خبره کوي‌چې ولسمشر غني د دوشنبې په ورځ د دوهم ځل لپاره د ولسمشري لوړه وکړه او بیا بیا یې د ټول شموله حکومت خبره تکرار کړه ؛‌ خو هم مهاله د افغانستان پخواني اجرایه ریس عبدالله عبدالله هم د یوه ولسي پروګرام پر مهال ځان ولسمشر اعلان کړ.

که څه هم تر اوسه د ښاغلي‌ پمپیو خبري‌ته عبدالله عبدالله غبرګونه نه دی ښودلی ، خو په لویه کې دا موضوع هم امریکا ته سرخوږی جوړولای شي‌.

د ښاغلي‌ پمپیو له دغه پیغام نه دوه ساعته وړاندي د امریکا د متحده ایالاتو پوځ اعلان وکړ چې د سولي‌ د هوکړي د عملي کولو په خاطر یې له افغانستان نه د خپلو سرتېرو وتل پیل کړي دي‌.

دواړه خبري په یوه وخت کې داسي مهال را څرګندېږي چې په کور دننه سیاسیون د عبدالله عبدالله او ولسمشر غني تر منځ د سولي او روغي جوړي په خبرو بوخت دی . د ارګ سرچینو خبریال ډاټ کام ته وویل چې د مارچ میاشتې تر پایه به د سولي مذاکراتي ټیم د خبرو لپاره اعلان شي او هم دا راز به تر هغه وړاندي‌ ولسمشر غني‌ یو ټول شموله حکومت جوړ کړي چې د هر قوم او هري سیمي وګړي به پکښي‌ شامل وي .

که څه هم نن د مارچ پر لسمه له طالبانو سره افغاني خبري‌پیل نشوې خو ښايي حکومت په هم دې تړاو ډېر ژر خپله پالیسي‌اعلان کړي‌.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More