fbpx

غزني کې ۲۰ طالبان ووژل شول

چارواکي وايي په غزني کې شل هغه طالبان وژل شوي چې پر افغان ځواکونو یې برید کړی و.
د غزني امنیه قوماندان سمونوال فرید احمد مشعل وایي، طالبانو تېره شپه په رشیدانو او جغتو ولسوالیو او ښار اړوند د روضې ریګریش سیمه کې پر افغان پوستو بریدونه کړي وو.
مشعل وایي په دغو بریدونو شل طالبان وژل شوي او لس نور ټپيان دي.
د قوماندان په خبره د یو شمېر طالبانو جسدونه اوس هم د جګړې په ډګر کې پاتې دي.
قوماندان مني چې په نښتو کې درې پولیس هم وژل شوي دي.
مشعل وایي، همداراز پولیسو تېره شپه هغه ماین خښونکی هم وژلی چې غوښتل یي د ښار دویمې حوزې اړوند کلامیري سیمه کې ماین ځای پر ځای کړي.