د شپږیزې کرکټ لیګ پنځه لوبډلې پر کمپنیو خرڅې شوې

خبریال وېب پاڼه/ د افغانستان د شپږيزې لیګ اووم پړاو سیالیو لپاره د پنځو لوبډلو سپین غر پړانګانو، کابل بازانو، امو نهنګانو، بند امیر او مس عینک لوبډلو مالکین معلوم شول.

د کرکټ بورډ په اداره کې د یوې ناستې په ترڅ کې چې د کرکټ بورډ سرپرست اجرایه ریس نظیم جار عبدالرحیمزی او د شپږیزې لیګ د پنځه لوبډلو د ملکیت د امتیاز لرونکو کمپنیو استازو ګډون درلود د یادو پنځو لوبډلو لپاره مالکین معلوم شول.

د ډبرو سکرو د سوداګرو ټولنې (ACTU) د سپین غر پړانګان لوبډلې، ایوبي سپورټس کمپلکس  (ASC)د کابل بازان لوبډلې، نوید احمدزي د اسعارو تبادلې شرکت  (NAME)د امو نهنګان لوبډلې، د ډیلي فرېش کمپنۍ د بند امیر لوبډلې او حضرت سوداګریز شرکت  (HCL)د مس عینک لوبډلې د ملکیت امتیاز ترلاسه کړ او یواځې د بوست زون لوبډلې امتیاز تراوسه کومې کمپنۍ یا شرکت نه دی ترلاسه کړی.

د کرکټ بورډ سرپرست اجرایه ریس وویل، د کرونا له امله بازارونه زیانمن شوي دي، دوی غوره وګڼله چې د لوبډلو مالکینو ته یواځې د سږکال لوبډلو فیسونه معاف کړي او دا یې د هغوی لپاره یوه ډالۍ وګڼله.

شپږیزه په افغانستان کې تر ټولو مخکښ او د شوره ډک لیګ دی، چې هر پړاو ته یې د هېواد د ګوډ ګوډ څخه لوبغاړي راځي.

د کرکټ شنونکي، یاد لیګ د افغان ځوانو لوبغاړو لپاره بهترین فرصت ګڼي، تر څو خپل مهارتونه پکې پیاوړي کړي او خپلې وړتیاوې د سکرین پرمخ ټولو ته روښانه کړي.

دوی وایي، یاد لیګ د افغان کرکټ په پرمختګ کې رغنده رول لري او کرکټ بورډ هم کولی شي، چې د دې لیګ له لارې ملي لوبډلې، الف لوبډلې او ۱۹ کلنو لوبډلې ته پیاوړي لوبغاړي انتخاب کړي.

د شپږیزې کرکټ لیګ اووم پړاو سیالۍ به په سپټمبر میاشت کې ترسره او په ژوندۍ بڼه به د تلویزیون په سکرین هم خپرې شي.

ویل کیږي د شپږیزې لیګ به د سپټمبر په شپږمه نېټه پیل شي او په ١٨مه به پای ته ورسیږي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum