د هند سینما لوبغاړی سنجي دت په سرطان ناروغۍ اخته شوی

خبریال وېب پاڼه/ د هند سینما یا بالیووډ وتلی فلمي اداکار سنجي دت پر سرطان ناروغۍ اخته ش ی او د درملنې لپاره له هند وتلی دی.

راپورونه ښیي چې سنجي دت د سږو پر پر سرطاني ناروغۍ اخته شوی او اوس ددرملنې په موخه له هند د امریکا په لور وتلی دی.

هندي رسنۍ راپورونه خپاره کړي، چې سنجي دت څو ورځې مخکې د تنفسي یا ساه کښلو په وخت کې له ستونزو سره مخ وو چې روغتون کې بستر وو او دا معلومه شوه چې ښاغلی سنجي دت د سږو پر سرطاني ناروغۍ اخته دی او د دې ناروغۍ په څلورم پړاو کې دی.

ښاغلي سنجي دت پر ټوېټر له خپلو مینه والو غوښتي چې د ناروغۍ لپاره یې وارخطا نه شي او د کارونو نه رخصت دی او اوس مهال له ملګرو او د کورنۍ له غړو سره امریکا ته تللی څو د خپلې ور پېښې ناروغۍ درملنه وکړي، نوموړي خپلو مینه والو ته ډاډ ورکړی چې ډېر ژر به بېرته رک روغ را ستون شي.

٢٠٢٠ز کال د هند د سینما لپاره هم ښه کال نه وو، په روان زېږدیز کال کې د هند سینما درې وتلي لوبغاړړي مړه شول.

په تېرې اپرېل میاشت کې د هند سینما وتلی اداکار عرفان خان چې د هالیووډ او بالیووډ له سلو څخه په زباتو فلمونو کې یې کار کړی وو د ٥٤ کلونو په عمر د سرطان ناروغۍ له کبله مړ شو، د همدې میاشتې په وروستیو کې بیا د هند سینما بل وتلی لوبغاړی ریشي کپور هم د سرطاني ناروغۍ له کبله مړ شو.

له دوی څو میاشتې وروسته د هند بل وتلي فلمي اداکار سوشانت سېنګ ځان وژنه وکړه، د ژوند پور یې پرې کړ. د سوشانت مرموزې ځان وژنې په هند او نړۍ کې ټول مینه وال هېښ کړل اوټول مینه وال یې د خفګان پر ټغر کېنول، اوس هند سنیمای لوبغاړي غواړي چې د سوشانت سېنګ پر فلمي ژوند فلم جوړ کړي، سوشانت په لسګونو سریالانو او فلمونو کې کار کړی وو او د ښه اداکار په توګه یې ډېر مینه وال لرل.

اوس مهال د سنجي دت سرطاني ناروغۍ د ښاغلي دت مینه وال د نوموړي د روغتیا په اړه اندېښمن دي.

سنجي دت هغه فلمي لوبغاړی دی، چې په هند کې احمد شاه بابا د امپراتورۍ په دوره کې د پاني پت د جګړې په تړاو فلم کې د احمد شاه بابا په رول کې کار کړی دی. او په همدې توګه یې په زیاتو فلمونو کې کار کړی چې فلمونه یې بریالي شوي دي.

سنجي دت د خپلې ناروغۍ په اړه ډېر په ډاډ وایي، تر درملنې وروسته به ژر رک روغ خپل هېواد هندوستان او مینه والو ته را وګرځي.