راينا هم د ډوني په پله روان او له کرکټ څخه يې استعغا وکړه

 

خبريال ويبپاڼه / د هندوستان وتلی او مشهور کپتان او وکيټ کيپر مهندر سينګ ډوني له نړيوال کرکيټ څخه استعفا وکړه.
چې په ورته وخت کې د هندۍ لوبډلي يوه بل تکړه لوبغاړي سريش راينا هم له نړيوال کرکيټ څخه د خدای په او استعفا اعلان وکړ.

مهندر سينګ ډوني له نړيوال کرکيټ څخه د استعفا اعلان په ټولينزو رسنيو کې کړی دی. د هغه د اعلان له مخ به هغه نور په ټيسټ( پنځه ورځنيو) ، او يوه ورځينو او شل اوريزو لوبو کې نوره برخه نه اخلي.

دهندۍ لوبډلي دغه پخواني کپتان ډوني ۶ کاله مخکي له ټيسټ لوبو څخه د استعفا اعلان کړی وو.
مهندر سينګ ډوني د خپل کرکيټ کيرير په دوران کې د هندوستان لپاره ۳۵۰ يوه ورځنۍ او ۹۸ شل اوريزو لوبو کې غوره کارکرده کړيده. چې په کمالو او وړتيا وو سره يې هندۍ لوبډله د پرمحتګ اوج ته رسولي.

جالبه خو لا دا ده چې د مهندر سينګ ډوني د استعفا له اعلان وروسته سم دلاسه د هندۍ لوبډلي يوه بل تکړه لوبغاړي سريش رينا هم له نړيوال کرکيټ څخه د استعفا اعلان وکړ.

سريش رينا هم له نړيوال کرکيټ څخه د استعفا اعلان په ټولنيزو رسنيو کې خپور کړ او ويلي دي چې دی هم د خپل کپتان په پله روان دی او نه غواړي له هغه پرته په نړيوال کرکيټ کې لوبه تر سره کړي.

هيره دې نه وي چې سريش راينا د هندوستان لپاره په ۱۸ پنځه ورځنيو او ۲۲۶ يوه ورځينو او ۷۸ شل اوريزو لوبو کې د هند استازولي کړي.

د يادولو وړ ده چې مهندر سينګ ډوني او رينا د هندۍ لوبډلي له هغو پياړو لوبغاړو څخه شميرل کيږي چې تل يې هنددوستان برياوي راوړي دي او ددې لوبډلي د ملا د تير حيثيت يې درلود.

په تيره بيا مهندر سينګ هغه لوبغاړی او کپتان وو چې د هندوستان لپاره يې دری ستر نړيوال جامونه د خپل هيواد په نامه کړي دي.

ښاغلي ډونې په ۲۰۰۷ کال د شل اوريزو نړيوال جام د هند په نامه کړ. په دغه جام کې يې په پای لوبه کې پاکستان ته ماتي.

چې دغه نړيوال جام لومړنی د شل اوريزو لوبو نړيوال جام هم وو.

د منهدر سنيګ ډوني بله ستره کانامه د هند لپاره د يوه ورځينو لوبو جام ګټل وو. چې دغه جام د هند په کوربتوب تر سره شو او ياد به يې تل د هنديانو په زړنو کې پاتي وي.

ډوني د ۲۰۱۳ کال د نړيوالي شورا اتلولي يا چمپين ټرافي هم د هندوستان په نامه کړه.

د يادولو ده چې ډوني په ورځني ژوند کې ډيره ارام او د اخلاقو نمونه وه خو د کرکيټ په ډکر کې بيا د تندر په څير خپل سيالان ترې ويريدل.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More