fbpx

فراه: ۷ تنو ته مرګ ژوبله اوښتې

فراه ولایت کې پر ولسي وګړو د سړک د غاړې ماین چاودنه شوې، چې له امله یې ۷ تنو ته مرګ ژوبله اوښتې ده.

دغه چاودنه د فراه ولایت په خاک سفید ولسوالۍ کې رامنځ ته شوې ده.

د فراه د والي ویاند محمد ناصر مهري د پېښې د پخلي تر څنګ و ویل یو شمېر کسان په خپله سیمه کې واده ته روان و، چې د سړک د غاړې چاودنه پرې شوې ده.

نوموړي زیاته کړه، چې په دغه چاودنه دوه نارینه او دوه ښځې وژل شوې او درې تنه نور ټپیان شوي دي.

تر اوسه چا د دغه چاودنې مسؤولیت په غاړه نه دی اخیستی.