هرات کې د چرګانو صنعت بسیاینې ته رسېدلی

خبریال وېب پاڼه/ په هرات ولایت کې د چرګانو صنعت هم ځان بساینې ته رسېدلی دی.

په هرات کې د چرګانو فارمونو ټولنه وایي، د چرګانو فارمونه کولای شي دې ولایت کې د چرګانو غوښې له پاره اړتیاوې پوره کړي.

په هرات ولایت کې د چرګانو فارمونو ټولنې مشر وايي چې په وروستیو څو کلونو کې د چرګانو صنعت ښه پرمختګ کړی دی اوس بیا دا صنعت ځان بساینې ته رسیدلی دی.

همدا رنګه دوی له هغو ستونزو څخه هم خبرې کوي چې د دې صنعت په وړاندې پرتې دي.

د هرات ولایت د ٨٢ کال څخه تر ٩٩ پورې بېلا بېلو برخو کې د زیاتو پانګونو شاهد پاتې شوی دی.

په دې ترڅ کې د چرګانو صنعت د ګن شمژر ستونزو سربېره، وروستیو کلونو کې ښه پرمختګ لرلی دی.

څرنګه چې په هرات کې د چرګانو د فارمونو ټولنې مسؤولینو په خبره، اوس دغه صنعت ځان بسیاینې ته رسېدلی دی.

د دې ټولو سربېره بیا هم د دغه صنعت پر وړاندې ځینې ننګونې پر خپل ځای دي.

د چرګانو فارمونړ ټولنې مسؤولین د اومه توکو چمتو کولو په برخه کې د کرنې ریاست د زیاتې پاملرنې غوښتونکي دي.

د هرات د کرنې ریاست مسؤولین د اومه توکو چمتو کېدو په برخه کې د ستونزه مني او وایي دوی د دغې ننګونې حل لپاره طرحې د کرنې وزارت سره شریکي کړي دي.

ولایتي شورا هم په هرات کې د چرګانو صنعت پر وړاندې د ننګونو حل لپاره د مسؤولو ادارو د زیاتې پاملرنې غوښتونکي ده.

بل خوا یو شمې ر هیواد وال وایي، د وطني تولیداتو ملاټر لپاره د کورنیو محصولاتو څخه کار اخلي.

د کرنې وزارت د شمېرو له مخې په افغانستان کې د چرګانو د غوښې کلنۍ مصرف ٢٩٥ زره ټنه دی چې دمګړۍ ډېری دغه اړتیاوې په هېواد کې دننه د چرګانو فارمونو څخه تامینیږي.

افغانستان چې د چرګانو غوښې او هګۍ هم د ګاونډیو هېوادونو ایران او پاکستان نه را صادروي، په دې وروستیو میاشتو کې یې په ختیځ ننګرهار ولایت، هرات ولایت او یو شمېر نورو ولایتونو کې د چرګانو د روزنې صنعت بسیاینې ته رسېدلی.

مسؤولین یې وایي، چې حکومت دې د چرګانو د روزنې لپاره ورسره مرسته وکړي، دوی به وکولی شي، چې نورو ولایتونو ته هم دا صنعت وغځوي.

د کرونا وبا له خپرېدو سره د ګاونډیو هېوادونو او افغانستان تر منځ سوداګریزې لارې وتړل شوې، چې ورسره د چرګانو او د چرګانو د هګیو واردات هم ودرېدل او په کور دننه د هګیو او د چرګانو د غوښې بیې لوړې شوې، خو ورسره په هېواد دننه د چرګانو د روزنې صنعتکارانو پر دې صنعت ډېر کار کړی او دې وروستیو کې یې بسیاینې ته رسولی دی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More