تازه: سهيل شاهين هم له دندې ګوښه کړای شو
خبريال ويبپاڼه /اوس تازه د يو بل خبر له مخي چې طالب چارواکو خبريال ويبپاڼې ته راليږلی. په خبر کې ويل شوي چې د طالبانو د مشر ملا هيبت الله اخونزاده له لوري د قطر دفتر سياسي وياند سهيل شاهين له دندي ګوښه او پر ځای يې ډاکټر محمد نعيم وردګ د طالبانو د قطر دفتر سياسي وياند په توګه وټاکل شوی.
په سهيل شاهين د نورو تورونو تر څنګ دا تور وو چې په رسنيو کې يې خپلوي او ملګرتيا پالل شاهين له رسنيو سره د يوه وياند په توګه چلند نه کاوو بلکي شاهين هر څه په خپله خوښه تر سره کول. حتی ډيری وخت داسي هم شوي چې له رسنيو سره په خبرو کې د طالبانو د تګ لارو برعکس غږيده.
دا په داسي حال کي ده چې همدا اوس تازه څو دقيقي مخکي د قطر د دفتر يوې سرچيني خبريال ويبپاڼي ته وویل چې د طالبانو په مشرتابه شورا او د سولي د مرکچي پلاوي کې پراخ تغيرات راغلي دي.
سرچينه زياتوي چې د طالبانو مشر تابه شورا او له خوا د سولي د مرکچي پلاوي مشر شيخ عبدالحکم ټاکل شوي او ددې دفتر د مشرتابه شورا پخوانی غړی عباس ستانکزی ددې پلاوي د مرستيال په توګه ټاکل شوی دی.
دغه سرچينه زياتوي چې په قطر دفتر کې لا هم د طالب مشرانو تر منځ غونډخ روانه ده. د سرچيني په وينا شايد سولي په مرکچي پلاوي او د طالبانو په مشرتابه شورا کي ځني تغيرات رامنځته شي.
بايي وويل شي چې شیخ فرید، مولوي قاسم ترکمن، شیخ الحکیم او ملا شیرین څلور واړه لا له وړاندي قطر ته رسیدلي دي او دوی د طالبانو د قطر د دفتر نوي غړي دي.
د خبریال وېبپاڼې معلومات ښيي چې ملا برادر؛ مولوي ثاقب؛ مولوي کبیر؛ مولوي زاهد او ځیني نور کسان به نن یعني د سپټمبر (۵) غرمه له پاکستان نه پرواز کوي او ځي به قطر ته.
د افغان حکومت پلاوی د یکشنبې په ورځ دوحې ته ځي او تشریفاتي کسان لا له وړاندي رسېدلي دي.
خبریال وېبپاڼې ته د طالبانو د کوټې شورا له لوريورکړل شوي معلومات ښيي چې لمړنۍ لیدنه به تعرفي وي او افغان پلاوی به د اوربند غوښتنه کوي، خو طالبان د اوربند غوښتنه په لمړنۍ غونډه کې نه مني.
د خبریال وېبپاڼې معلومات ښيي چې د طالبانو د مذاکراتي ټیم مشر عباس ستانکزي د جمعې په ورځ په دوو جلا جلا لیدنو کې د طالبانو د مذاکراتي ټیم قطر مېشتي ځیني غړي او تخنیکي کومېټې منتظمین لیدلياو خپل ټیم ته یې سپارښتنه کړې چې د حکومتيټیم له غړو سره ځانګړې لیدنې ونه کړي او د غوندي بحث شوي معلومات محرم وساتي.
نن د شنبې ورځ عباس ستانکزی د قطري چارواکو سره تر لیدنه وروسته ماذدیګر له ملا برادر سره هم لیده کاته لري او خبریال وېبپانې ته د ورکړل شویو معلوماتو پر اسا به ملا برادر چې د طالبانو د سیاسي دفتر مشر دی له وروستیو پر مختګونو او خپلو انتظاماتو خبروي.
د افغان حکومت او طالبانو ترمنځ خبرې انتهايينېژدې شوې او را روانه دوشنبه به رسمآ پیل شي .
دا سي راپورونه تر لاسه شويچې د افغانانو ترمنځ د خپلمنځي خبرو د څار په موخه د پاکستان د استخباراتي ادارې ای ایس ای درې مامورین قطر ته تلونکي دي او په ځینو برخو کې به طالبانو ته مشورې ورکوي.
دا ځل د طالبانو له لوري د خبرو لپاره پوره تیاری نیول شوی دی؛ که چېرته حکومتي لوری له تدبیر نه کار واخلي په دریو برخو کې ( چې دم ګړی یې خپرول تروخت وړانديدي) پرمختګ شونی دی.
Comments are closed, but trackbacks and pingbacks are open.