٥٨١ ننګرهارۍ مېرمنې د غالۍ اوبدلو له لارې د کورنۍ اقتصادي بوجونه سپکوي

خبریال وېب پاڼه/ د ننګرهارې١٤ ولسوالیو کې ښځو ته د غالۍ اوبدلو د صنعت پیل شوی.

٥٨١ ننګرهارۍ مېرمنې د غالۍ اوبدلو صنعت له لارې د خپلو کورنیو اقتصادي بوجونو ته اوږه ورکوي.

دا پروګرام د کلیو، بیا رغونې او پراختیا ریاست اړوند د کلیوالي ښځو اقتصادي پیاوړتیا پروګرام په چوکاټ کې د ننګرهار ١٤ ولسوالیو کې ٥٨١ ښځینه او ٤١٩ نارینوو ته د غالۍ اوبدلو دستګاوې او اړین وسایل ورکړل شوي دي.

د غالۍ اوبدلو په هره دستګاه کې یو د غالۍ اوبدلو یو ښوونکی او دوه شاګردان کار کوي او له هرې دستګاه څخه د غالۍ جوړولو له لارې له ١٠ ترې١٢ زره افغانۍ عواید لاس ته راځي او د ډېرو بې وزلو کورنیو اقتصادي بوجونه سپکوي.

د دې يروګرام له لارې تر دې دمه یادو مېرمنو او نارینوو ٤ نیم زره متره په اوږدوالي غالۍ اوبدلې دي، د دې غالیو له لارې د غالۍ اوبدلو درې زره تنو ښوونکو او شاګردانو ته کاري فرصت برابر شوی او له دې لارې د کورنۍ اقتصاد پیاوړی کولی شي.

دې غالیو ته بیا په هېواد دنده او بهر د مارکېټ او بازار پیدا کول د عواید د تر لاسه کولو بله غوره لاره ده.

اوس مهال د افغان ښځو او نارینوو له لوري د دوی په لاس جوړې شوې غالۍ او قالینې په نړۍ کې ګرم بازار لري او په لوړه بیه پلورل کیږي.

د افغانستان د کلیو، بیا رغونې او پراختیا وزارت اړوند د کلیوالي ښځو د پیاوړتیا پروګرام په چوکاټ کې د هېواد په بېلا بېلو ولایتونو کې مېرمنو او نارینوو ته دستګاه ګانې او اړین وسایل ورکړل شوي، په زیات شمېر ولایتونو کې د غالۍ اوبدونکو له لوري ښې غالۍ او قالینې جوړې شوي دي او نړیوالو مارکېټونو ته هم وړاندې شوي دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More