عبدالله عبدالله: افغانستان ته ډک لاس له یو ښه پیغام سره راځم

خبریال وېب پاڼه/ د ملي پخلاینې عالي شورا رییس ډاکټر عبدالله عبدالله چې اسلام اباد په رسمي سفر تللی ډېر ژر به خپل هېواد ته بېرته را ستون شي.

عبدالله عبدالله د مشعل راډیو له خبریال سره په خبرو کې وویل چې افغانستان ته خالي لاس نه ځي بلکې ډک لاس یعنې له یو ښه پیغام سره د ځي.

تېملي روغې جوړې عالي شورا رییس ډاکټر عبدالله عبدالله د روانې اوونۍ دوشنبې پر ورځ د پاکستان د لومړي وزیر عمران خان په رسمي بلنه اسلام اباد ته ولاړ.

ډاکټر عبدالله اسلام اباد ته د سفر په لومړۍ ورځ د پاکستان بهرنیو چارو وزارت ودانۍ کې د پاکستان د بهرنیو چارو له وزیر شاه محمود قریشي او چارواکو سره لیدنه وکړه، قریشي ورته ډاډ ورکه، چې د افغان سولې له بهیر ملاتړ کوي، افغانستان کې سوله پاکستان کې د سولې په معنا ده، د افغانستان له جګړې موږ هم زیانمن شوي یوو.

عبدالله پرون د سفر پر دویمه ورځ د پاکستان د سنا مجلس له رییس او د لومړي وزیر عمران خان سره ولیدل او د افغان سولې پر سر او د افغانانو خپل منځي خبرو په تړاو یې خبرې وکړې.

ډاکټر عبدالله عبدالله نن د پاکستان له ولسمشر عارف علوي سره لیدنه درلوده، علوي ډاکټر عبدالله ته زیاته کړه چې له افغان جګړې دوی سخت زیانمن شوي دي او د افغان سولې له بهیر او د افغانانو په مشرۍ د سولې له خبرو ملاتړ کوي.

عارف علوي عبدالله عبدالله ته وویل، چې هڅه کوي افغانستان سره هر اړخیزې همکارۍ پراخې او پیاوړي کړي.

ښاغلی عبدالله عبدالله نن د پاکستان ولسمشر او نورو چارواکو سره له لیدنې وروسته بېرته هېواد ته را ستنیږي.

د ډاکټر عبدالله عبدالله د لیدنو مهالوېش کې ټاکل شوې وه، چې نوموړی به راولپنډۍ کې د پاکستان د پوځ له مشر لوی درستیز قمر جاوېد باجوه سره هم وګوري، خو عبدالله عبدالله د درې ورځو په ترڅ کې سفر پای ته ورساوه او د قمر جاوېد باجوه سره یې ونه لیدل.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More