ناټو: شرایطو ته په پام به افغانستان پرېږدو

خبریال وېب پاڼه/ افغانستان کې د غوڅ ملاتړ مأموریت یا ناټو سرمنشي ینس سټولټنبرګ وایي، شرایطو ته په پام به افغانستان پرېږدي.

سټولټنبرګ وایي، د افغانستان او سیمې شرایطو ته په کتو به افغانستان کې خپل مأموریت پای ته رسوي.

نوموړي دا څرګندونې د امریکا متحده ایالاتو د ولسمشر ډونالډ ټرمپ د هغې پرېکړې په غبرګون کړي چې غواړي د روان زېږدیز کال تر پایه له کرسمس وړاندې خپل ټول ځواکونه له افغانستان وباسي.

خو د غوڅ ملاتړ مأموریت یا د ناټو سرمنشي ینس سټولټنبرګ وایي، افغانستان ته د راتګ پرېکړه یې په ګډه کړې او شرایطو ته په پام باید د وتلو او راتلونکو بدلونونو په اړه به پرېکړه هم په ګډه وکړي.

نوموړی وایي، پر امریکا د سپټمبر د یوولسمې نېټې د برید د ځواب لپاره ناټو افغانستان ته راغلې او دا لومړی ځل وو چې د امریکا په خوښه په بهر کې د دوی عملیات وو.

ینس سټولټنبرګ ویلي افغانستان کې د ځواکونو پاتې کېدل او تل پاتې امنیت د ناټو غړو هېوادونو د ثبات او ګټې لپاره اړین دی.

دا په داسې حال کې ده چې د امریکا ولسمشر ډونالډ ټرمپ تازه وخت کې ویلي، چې د روان زېږدیز کال تر پای به له افغانستان ټول ځواکونه وباسي.

طالبانو د ټرمپ د یادې پرېکړې تود هرکلی کړی او وایي دا د سولې د هغې پرېکړې پر اساس ده چې دوی او امریکا یې لري. او دوی هم د سولې د هغې هوکړې ټولو مواردو ته ژمن دي.

طالبانو اعلامیه کې ویلي وو چې دوی به راتلونکې کې د امریکا په ګډون له ټولو هېوادونو سره مثبتې اړیکې وپالي.

خو د ډونالډ ټرمپ دا پرېکړه په امریکا او نړۍ کې د ټرمپ سیالانو یوه ټاکنیزه پرېکړه بللې څو د ټاکنو پر مهال امریکایانو ته وښیي چې په خپلو ژمنو ولاړ دی او پوره کوي یې.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More