اذربایجان د ارمنستان دننه بریدونه کړي

خبریال ویبپاڼه/ د نګورو قرباغ سیمه کې لاهم د دواړو هېوادونو ترمنځ کړکیچ روان دی او داسې مالومیږي چې دا جنجال نور وخت هم واخلي اوس تازه د اذربایجان هېواد منلې چې د ارمنستان دننه يې پر ځینو هدفونو توغندیز بریدونه کړي، هغوی مالوماتو کې ویلي چې له دې هدفونو پر ملکي کسانو ډزې کیدې

د دې هېواد دفاع وزارت په یوه بیان کې ویلي چې د ارمنستان په کلجر سیمه کې يې پوځي تاسیسات په نښه او په بالستیتک توغندیو يې ویشتلي

نګورو قرباغ دواړه هېوادونه خپله برخه ګڼي او د سپټمبر په ۲۷ همدې سیمه کې  د دواړو هېوادونو ترمنځ سختې نښتې وسوې

د ارمنستان د دفاع وزارت ویاند شوشان استپانیان وویل چې دوی د اذربایجان خاوره نه‌ده لاندې کړې

په ورته وخت کې تیره ورځ د اذربایجان د ملي دفاع وزارت  د یوې اعلامیې په خپرولو سره ویلي، چې د ارمنستان اردو د ازادو سوو سیمو د بېرته نیولو لپاره په نیمه شپه ، په اغدره، اغدم ، فضولي او په هادروت کې د وړو ډلو له لارې بریدونه پیل کړي دي.

په دې اعلامیه کې راغلي وو، “د اذربایجان اردو د ارمنستان دغو بریدونو ته ځواب ووایه او د ګریډ توغندیو درې سیسټمونه ، د الوتکو ضد توغندي سیسټم ، دوه د زغره وال جنګي وسایط او لسګونه نور مهمات ویجاړ او لمنځه وړل شوي دي.

په خپره سوې خبر پاڼه کې ټینګارسوی، چې د ارمنستان اردو سخته کمزورې سوې او ډیری ارمنستاني عسکر تښتیدلي دي.

د اذربایجان د دفاع وزارت همداراز زیاته کړې، چې د اذربایجان پوځ بشري اوربند ته ژمن دی.

د دواړو هېوادونو ترمنځ دا جګړییزه شخړه کې د نړۍ نورو هېوادونو هم  خپل دریځونه ښودلي چې افغانستان پکښي له اذربایجانه ملاتړ کړی تراوسه لا څرګنده نه ده چې د دواړو هېوادونو دا کړکیچ به څه وخت حل کیږي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More