تر ټولو لومړی زه د سولي لپاره قرباني ته تيار يم / د شهيد له خاطرو

خبريال ويبپاڼه/ په يوه غونډه کې چې د شهيد جنرال عبدلرزاق په ګډون ګڼ شمير لوړي پوړي چارواکي ناست وو زه هم ددې غونډي په يوه څنډه کې ناست وم ، په ياده غونډه کې یادونه وشوه چې که سوله راشي ، نو ځینې خلک به قرباني ورکړي ، يو کس وويل چې یو له هغو به جنرال عبدلرازق دی.

جنرال عبدلرازق په ډيره ميړانه او لوړ اواز وويل چې که زما په قرباني سوله راځي ، زه او ټوله کورنۍ مې دې ته چمتو ده چې د سولې د راتلو لپاره دغه قرباني په ډيره خوشاله قبوله کړي.

دا دی جنرال عبدلرزاق شهيد شو ، ددې وطن ، خلکو او سولې لپاره يې ځان قرباني کړ ، لا هم په ډير بې رحمانه ډول په زرګونو د وطن او خاوري اصلي قهرمانان شهيدان شول ، خو هم د افغانانو سوله په نصيب نشه، اوس هم د جګړې له لاسه هره ورځ په سل ګونو افغانان شهيدان، ژوبل ، ټپيان کيږي.

بايد وويل شي چې شهيد جنرال عبدالرازق دوه کاله وړاندې په همدې ورځ د کندهار ښار په مرکز کې د يوه مرګوني بريد په ترڅ کې شهيد شو.

اروښاد عبدالرازق چې په ټول هيواد کې د ډيورنډ پر کرښه د شهيد لقب هم ګټلی ټول افغان يې د هيواد يو رښتونی اتل او د افغانانو او افغانستان د دفاع يو ستر جنګيالی بولي.

شهيد جنرال عبدلرزاق چې د هيواد د هر دوښمن په تيره بيا د پاکستان په وړاندي دريدلی او هر وخت يې دې هيواد ته غاښ ماتوونکی ځواب ورکړی دی.

د ستر پاسوال جنرال عبدلرزاق دويم تلين د هيواد په ډيرو سيمو کې ولمانځل شوو.

بايد وويل شي چې دا ځل د شهيد عبدلرازق دويم تلين په کابل زابل ، کندهار او هيواد په ډيرو ولايتونو کې هم ولمانځل شو.
دپلازمينې کابل د لويي جرګې خیمه کې د افغانستان د خپلواکۍ د ملي اتل جنرال عبدالرازق دویم تلین په شانداره مراسمو سره ولمانځل چې پکښي د افغانستان دولت لوړ پوړو چارواکو برخه اخیستې وه.

د افغانستان د ملي امنیت سلاکار حمدالله محب جنرال عبدالرازق د هېواد د خپلواکۍ ملي اتل یاد کړ او زیاته يې کړه جنرال رازق د افغانستان دښمنانو ته دا ثابته کړې وه چې دا هېواد چا خیرات را کړی نه دی

هغه وویل چې جنرال عبدالرازق د خپل ژوند په اوږدو کې په پوره میړانه له خپلې خاوري او خلکو ساتنه وکړه، په دې مراسمو کې د ولسمشر لومړي مرستیال امرالله صالح د ملي مصالحې عالي شورا مشر عبدالله عبدالله او یو شمېر نورو مسؤلینو د جنرال عبدالرازق پر ژوند کړنو او مبارزې خبرې وکړې او ويې ویل  چې د جنرال عبدالرازق لاره به ادامه ولري او د هېواد هر بچی جنرال عبدالرازق کیدلای سي.

 

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More