د طالبان یوه هاوان ارزګان کې دوه ښځې شهیداني کړې

خبریال ویبپاڼه/ راپورنه وايي چې د ارزګان دهراوود ولسوالۍ د طالبانو له لوري یو توغول سوی هاوان پر یوه کور لګېدلی او پکښې دوه میرمنې شهیدې سوې او دوې وړې  نجونې ژوبلي دي

احمدشاه ساحل د ارزکان ولایتي ویاند ویلي چې تیر ماښام دغه هوان دهراوود  ولسوالۍ کې  د یوه قومی مشر پر کور لګېدلی

د نوموړي په وینا د دهراوود زردتالي سیمه کې د طالبانو له لوري دغه هاوان توغول سوی او د قومی مشر میر حمزه استاد پر کور لیګدلی دی چې یاده مرګ ژوبله یې رامنځ ته کړې

ساحل وایي، د ټپي نجونو حالت هم نازک دی او د درملنې لپاره د کندهار مرکزي روغتون ته لېږدول سوې دي

د ارزګان پر دهراوود ولسوالۍ باندې د تیرو څو ورځو راهیسې طالبانو دغه ډول بریدونه پیل کړي په دې وروستیو کې د طالبانو له لوري بریدونه زیات سوي چې تر ډیره بریده یې زیان ملکي  وګړو ته اوړي په یو نورو ولایتونو کې هم د سړک غاړې  ماینونو چې د طالبانو له لوري ښودل سوي وو د ملکي کسانو موټرونه ختلي او پرمهال يې ښځي او ماشومان شهیدان سوي

له دې سره تر خوا په هلمند او بدخشان ولایتونو کې هم د طالبانو له لوري جګړې ډیر زیان ملکي افغانانو ته اړولی او هلته یې هم د ملکي خلکو له کورونو د مرچې په توګه ګټه اخیستې او د ښځو په ګډون ماشومان او نور کسان يې بې کوره کړي چې اوسمهال د جګړې دغه بې ځایه سوي بیړنیو مرستو ته اړتیا لري

په وروستیو څو میاشتو کې د ملکیانو ډیري مرګ ژوبلې اندېښنې راپورته کړې د بښنې نړیوال سازمان د هلمند ولایت د جګړه ځپلو په هکله خپلې اندېښنې څرکندې کړې او د جګړې له ښکېلو غاړو يې غوښتي چې په جګړه کې  دي د ملکیانو ژوند ته پاملرنه وکړي