کندهار: ۵ طالبان په خپل منځې چاودنه کې وژل شوي

خبریال ویبپاڼه/ خبریال ته سرچینه وایې: تیره ورځ د قندهار په نيش ولسوالۍ د لوی کارېز په سیمه کي د ترهګرو یوه عراده بایفور موټر د دوي د لوري په ښخ شوي ماین ختلی دی، په پایله کي یې د ملا ابراهیم او ملا محمد اکبر په نوم مشهورو ترهګرو په شمول ۵ تنه وژل شوي دي.

دا ولسوالۍ د کندهار له مرکز څخه ۱۸۰ کیلو متره لري د ارزګان ولایت په ګاونډ کې پرته ده.

د افغانستان د خاوري او خلکو دوښمنان تل هڅه کوي چي پر لویو لارو باندې ماینونه ښخ کړي چي اکثره وختونو دوی د خپلو ماینونو ښکار شي، د دوی دا ښکار له هغه شعر سره سر خورې چې وايي، کوهي مه کینه د بل سړي په لار کي، چیرې ستا به د کوهي په غاړه لار شي.

دا یوازې یوه پیښه نده چې طالبان پکې په خپل منځې چاودنو کې وژل کیږي، له دوی سره په ډیری ولایتونو کې داسې کیږي.

نیش ولسوالۍ په ۱۳۹۵ کال کې د طالبانو لاس ته ورغلي ده، چې وخت نا وخت پکې ښکیلو لورو تر منځ نښتې کیږي.

څو ورځې دمخه د کوټې شورا مهم غړی ملا عبدالکریم د پکتیکا ولایت جانیخېلو ولسوالۍ په جمجمې سیمه کې ووژل شو.

د پکتیکا د امنیه قومندانۍ ویاند شاه محمد آرین وایي، د کوټې شورا غړی ملا عبدللکریم د جانیخېلو ولسوالۍ له جمجمې سیمې نه د تېرېدو پر مهال وژل شوی دی.

ښاغلی آرین زیاتوي، د پولیسو د کشفي راپورونو پر اساس ملا عبدالکریم له یادې سیمې نه د تېرېدو پر مهال د امنیتي ځواکونو په کمین کې ولوید، چې د دواړو لوریو تر منځ نښته پیل شوه او ملا عبدالکریم ځای پر ځای ووژل شو او جسد یې په سیمه کې پروت دی.

له ملا عبدالکریم سره یو ځای دوه تنه نور هم سخت ټپیان شوي دي او د دوی یو میل کلاشنکوف، یوه پایه کشفي مخابره او یو موټر سایکل هم د امنیتي ځواکونو لاس ته ورغلي.

طالبانو تر دې دمه د کوټې شورا غړي ملا عبدالکریم د وژل کېدو په تړاو څه نه دي ویلي.

په ورته مهال په هلمند ولایت کې د څو ورځو سختو جګړو په ترڅ کې د طالبانو د مهمو قومندانانو او مهمو غړو په ګډون ٣٠٠ طالبان وژل شوي دي، چې د ځینو جسدونه لا هم په سیمه کې پاتې دي، د څه باندې ٨٠ جنګیالیو جسدونه بیا د هلمند دیشو ولسوالۍ له لارې پاکستان ته اړول شوي، یو شمېر طالبان چې د امنیتي ځواکونو سره په جګړه کې ټپیان شوي د هلمند موسی کلا روغتون کې دي او ځيني یې د دیشو ولسوالۍ له لررې پاکستان ته انتقال شوي دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum