طالبانو تیرو څلورو اونیو کې ۱۰۹ ملکي وګړي وژلي

خبریال ویبپاڼه/ د افغانستان دفاع وزارت هم دا مني چې په قطر کې د خبرو له پیل راهیسې په ټول هیواد کې د طالبانو بریدونه زیات شوي دي. د دغه وزارت ویاند خبریال ته ویلي چې طالب ترهګر په هرو ۲۴ ساعتونو کې د افغانستان په ۲۰-۲۱ ولایتونو بریدونه کوي.

متحده ایالاتو د تېر کال د مارچ په لسمه له طالبانو سره یو تړون لاسلیک کړ ترڅو دا ډله د خبرو میز ته راولي او په افغانستان کې ۴۲ کلن جنګ پای ته ورسوي.

په دې وروستیو کې، په افغانستان کې د سولې لپاره د متحده ایالاتو د بهرنیو چارو وزارت ځانګړي استازي زلمي خلیلزاد وویل: چې د تاوتریخوالي کمولو مسله د امریکا او طالبانو ترمنځ د دوحې په هوکړه کې کليدي مسله ده او دا ډله باید د سولې خبرو د بریالي کیدو لپاره له تاوتریخوالي لاس واخلي.

پداسې حال کې چې له طالبانو څخه تمه کیده چې اوربند ته موافقه وکړي یا لږ تر لږه د خبرو په پیلولو سره خپل بریدونه کم کړي؛ خو دې ډلې د هرې ورځې په تیریدو سره په افغانستان کې د ترهګریزو بریدونو شمیر ډیر کړی دی.

د سیمه ایزو رسنیو د راپورونو پر اساس په تیرو څلورو اونیو کې د طالبانو په بریدونو کې د تلې له لومړۍ تر ۲۸ مې نیټې ۱۲۹ پولیس او د اردو امنیت پرسونل او  ۱۰۹ ملکي وګړي وژلي دي. او د امنیتي ځواکونو په ګډون ۲۱۵ ملکي وګړي ټپیان شوي دي.

په همدې حال کې د افغانستان دفاع وزارت هم دا مني چې په قطر کې د خبرو له پیل راهیسې په ټول هیواد کې د طالبانو بریدونه زیات شوي دي. د دغه وزارت ویاند خبریال ته ویلي چې طالب ترهګر په هرو ۲۴ ساعتونو کې د افغانستان په ۲۰-۲۱ ولایتونو بریدونه کوي.

دی ټینګار کوي چې د اردو سربیره ملکي وګړي هم د طالبانو د بریدونو پرمهال وژل کیږي. د هغه په ​​خبره، ډیری ترهګریز بریدونه د پوستو او امنیتي اډو د نسکورولو لپاره ترسره کیږي.

راپورونه ښیې چې په تیرو څلورو اونیو کې په هلمند، بدخشان، میدان وردګ او بغلان ولایتونو کې طالبانو ډیری بریدونه کړي دي. تیره اونۍ، طالب ترهګرو د لښکرګاه او نادعلي ولسوالیو په ګډون د هلمند ولایت پر ځینو برخو برید وکړ. د هلمند والي یاسین خان پرون (تله ۲۸ مه) یوې خبري غونډې ته وویل: چې په دې ولایت کې په وروستیو نښتو کې ۳۰ امنیتي او ۷  ملکي وګړي وژل شوي دي.

ښاغلي خان وویل: چې د اردو ځواکونو په ځمکنیو او هوایي بریدونو کې له ۳۰۰ زیات ترهګر طالبان هم وژل شوي دي.

په ورته ډول، د افغانستان په شمال ختیځ کې بدخشان ولایت د تیرو دوه اونیو راهیسې د طالب ترهګرو لخوا د درنو بریدونو شاهد و. ویل کیږي چې دغه نښتې حتی د فیض آباد ښار ته رسیدلي دي. د امنیتي چارواکو په خبره، د طالبانو په لسو ورځو بریدونو کې لږ تر لږه ۱۸ امنیتي غړي وژل شوي دي. له بلې خوا، د دواړو لورو تر منځ په نښتو کې ۲۹ طالبان وژل شوي او ۶۳ نور ټپیان شوي دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More