د قرباني څاروي په اخیستلو کې باید کوم څه ته پام وشي؟
په سعودي عربستان کې د لوی اختر په رارسیدو سره ، د ‘مال منډۍ’ وده کوي. وزې ، پسونه او مېږې بازار ته راوړل کیږي.
د سبق نیوز ویب پاڼې د څارویو د متخصص پیرودونکو سروې ترسره کړې ، چې د قربانی څارویو په اړه ځینې مهم ټکي روښانه کوي.
نور یی ولوله
د څارویو پراخه پوهه لرونکی ، عبدالله الاطبي وویل ، “د قربانۍ لپاره د څارویو له پیرودلو دمخه باید ځینې شیان په دقت سره وڅیړل شي ترڅو یو ښه څاروی واخیستل شي.”
سعودي وګړي وویل چې څاروی باید فعال او قوي وي ، دا باید د پوټکي هیڅ ډول ناروغي ، خارش او داسې نور ونه لري ، او دا باید دومره ضعیف هم نه وي چې حتی نشی کولی چې ودریږي.
هغه څاروي چې شخوند نه وهي د داخلي ناروغۍ سره مخ کیږي، مګر د پسونو یا وزې اخیستلو دمخه ډاډ ترلاسه کړئ چې د دوی د غوږونو او غاړه لاندې پړسوب خو نشته، په بیله بیا د سترګو او خولې خارښت یا ګزک په دقت سره باید وکتل شي.
د څارویو پیرلو دمخه ، ډاډ ترلاسه کړئ چې دوی رخړي خو نه، یا دا چې غیر معمولي پړسوب خو نه لري.
یو څاروی چې سر یې لوړ وړي او تندرست ښکاري او د پوټکي هیڅ ډول ناروغي نلري. نو غوره دی.
یو ځناور چې سر یې ټیټ یا ښکته وړي په کومه ناروغۍ اخته دي ځکه چې معمولا ژوندی څاروی تل خپل سر لوړ ساتي او ښکته نه راځي.
بل کارپوه ، عبدالرحمن القحم وویل: “تجربه مهمه ده. د څارویو پیرلو دمخه ، دا باید په کلکه معاینه شي که چیرې د څاروی سترګې روښانه وي او رنګ یې سور نه وي. سربیره پردې ، که چیرې په سترګو او پوزې کې لندبل شتون ونه لري ، نو پدې معنی ده چې څاروی سالم دی.
د څارویو د ګنج تجربه کاره عبدالله الصحلي وویل: “که چیرې حيوانات د ورانه یا د لینګ لاندې غیر معمولي پړسوب ولري ، نو دغه ډول څاروی ممکن په TB اخته وي.”
“یو څاروی چې دوامداره ټوخی لري پدې معنی چې دا په سږو کې چینجي لري ، پداسې حال کې چې یو څاروی چې ویښتان یې په دوامداره توګه ډیریږي د ځیګر ناروغۍ امکان یې شته.
