د ډاون سینډروم په ناروغي اخته د نړۍ لومړۍ د قرآن حافظه
خبریال ویبپاڼه – که ارادې قوي وي او وجدان ریښتینی وي ، نو په نړۍ کې هیڅ ډول مشکل د یو بل د اهدافو د پوره کولو په لاره کې نشي درېدلی.
د ډاون سنډوم په ناروغي اخته د اردن یوه انجلۍ راون دیویک یوه ورته بیلګه ده چې د ډاون سینډروم په څیر د جنیټیک ناروغۍ سره زیږیدلی ، مګر له دې سره سره راوان قرآن کریم حفظ کړی او د نړۍ لومړی د ډاون سنډروم په ناروغي اخته د قرآن حافظه ګرځیدلې
د راون مور اوتیف جابر ترکیې رسنیو ته وویل: “د راوان پلار مړ شوی دی او زه ویاړم چې د هغې مور یم.”
د اوتیف په وینا ، راون د یوې ناروغۍ سره مخ ده چې د هغه عمر سره به یې دوام وکړي ، مګر هغه هیڅکله په دې ویلو نه ستړې کېږي چې قرآنکریم د هغې ژوند دی.
مور: زه په خدای قسم کوم چې زه به راون ته د قرآن درس ورکړم.
د راوان د مور په وینا ، زه 4 لوڼې او یو زوی لرم زوی مې د بل ورور د پیدا کیدو دعا کوله ځکه چې هغه یوازې و. خو کله چې راون وزېږېده نو د زېږېدو سره یې ډاون سینډروم ناروغي هم وه نو زه د یوې عامې مور په څیر ډېره پریشانه وم خو ما په خدای قسم کړی و چې زه به راون ته د قرآن تعلیم ورکوم.
راون څنګه قرآن حفظ کړ؟
اوتیف وویل: “راون د ماشومتوب څخه هوښیاره وه او کله چې زه د هغه په ځیرکتیا پوه شوم ، نو مې هغې ته د قران پاک ځینې کوچني آیتونه حفظ کول ورپیل کړل چې ډیر ژر یې حفظ کړ.”
“نو ما راون په 6 کلنۍ کې په ښوونځي کې شامله کړه ، هغه په اووم ټولګي کې وه کله چې الله پاک هغې ته ښه تلفظ ورکړ چې راون د زده کړې په برخه کې مرسته وکړه ، خو وروسته راون ښوونځي ته له تګ څخه انکار وکړ.” بیا وروسته مې هغه د قرآن حفظ کولو مرکز ته بوتله. او کله چې راون هلته د سورت البقره څلور پاڼې یادې کړې نو د هغې استاد راته د مبارکي په بڼه وویل چې ستاسو لور د سورت البقره لومړۍ برخه یاده کړه.
د راون مور زیاته کړه چې له هغې وروسته ، د هغې لور د اوه کلونو لپاره په منظم ډول قرآن حفظ کولو ته دوام ورکړ او د تیر د رمضان په 29مه روزه په خوله د قرآن حفظ بشپړ کړ. ماشاءالله
