د پاکستان سوپر لیګ مهالویش نهایي شو
د پاکستان سوپر لیګ مهالویش نهایي شو چې لومړۍ یې د راشدخان لوبډله ترسره کوي._
د پاکستان کرکټ بورډ د پنجشنبه په ورځ د جون ۳ مه تایید کړه چې د پاکستان سوپر لیګ د شپږم پړاو پاتې برخه به د جون په ۹ مه نېټخ په ابوظبي پیل شي چې پای لوبه به یې د جون په ۲۴ مه نیټه ترسره شي._
_د پاکستان سوپر لیګ مهالویش هم اعلان شو چې له مخې به یې لاهور قلندرز چې افغان لوبغاړی راشدخان هم ورسره دی د اسلام اباد یونایډیډ خلاف د لیګ لومړۍ پیلیزه لوبه وکړي._
_په لیګ به ۶ ځلې د ورځې دوه سیالۍ ترسره شي پداسې حال کې چې د لیګ ټولټال ۳۴ سیالۍ څخه ۱۴ ترسره شوي دي او پاتې «۲۰» سیالۍ به د جون له ۹ مې تر ۲۴ مې نېټې ترسره شي._
_که څه هم د دغه لیګ پاتې سیالۍ باید د جون په ۲ مه نېټه پیل شوي وای، خو د ځینو لوبغاړو په کرونا اخته کېدل او د ځینو لوبغاړو د وېزو ستونزه دا دې لامل شوه چې یاد لیګ د جون ۲ مې نېټې پرځای د جون په ۹ مه نېټه پیل شي._
_په ترسره شویو ۱۴ سیالیو کې کراچۍ کینګز د ۵ سیالیو څخه ۳ په ګټلو لومړی، پشاور زلمي دوهم، اسلام اباد دریم، لاهور قلندرز څلورم، ملتان سلطانز پنځم او کویټه ګیلاډیټرز وروستی شپږم مقام لري._
_د یادونې وړ ده چې پاکستانۍ لوبډله د پاکستان سوپر لیګ پای ته رسېدو یوه وروسته د جون په ۲۵ مه نېټه د یو لړ سیالیو په موخه انګلستان ته سفر کوي_
