افغان لوبغاړي په نړیوالو ليګونو کي
خبریال ویبپاڼه – راشدخان په څلورو اورو کي د 23 سکورو په ورکړې سره 1 ويکټ ترلاسه کړه بيټينګ کي په 8 سکورو وسوځيده.
نوين الحق د انګلستان په بلاسټ سياليو د 4 اورو په ترسره کولو سره 49 سکور ورکړل او 2 لوبغاړې وسوځول.
قيس احمد هم په بلاسټ سياليو کي دري اورونه ترسره کړل 40 سکور يی ورکړل او په ويکټ اخيستلو بريالی نشو.
ابراهيم ځدران د بايني کلب لپاره يوځل بيا ښه وځليد او د 33 منډو ترڅنګ يی په 7 اورو کي يوازې 14 سکور ورکړل او 1 ويکټ يي ترلاسه کړه.
نور احمد لکڼوال هم د کراچۍ په ګټه پخپله لومړنۍ لوبه کي ولوبيد چي په 24 منډو يي 1 ويکټ واخيسته.
حضرت الله ځاځی بيا ترټولو ښه وځليد او په 26 بالو يي 63 سکور جوړ کړل چي د Psl تر ټولو تيزترينه فيفټي هم پخپل نوم ثبت کړه.
په بلاسټ سیالیو کې نوین الحق ۸ وېکټې پوره کړې
د وېټلېټي بلاسټ سیالیو په لړ کې تېره شپه په دوو بیلابېلو لوبډلو کې د دوو افغان لوبغاړو لوبې ترسره شوې.
په کېنټ لوبډله کې قیس احمد ولوبېد، هغه په درې اورونو کې ۴۰ منډې ورکړې او د وېکټ په اخیستلو بریالی نشو.
د دوی پر وړاندې سمرسېټ لوبډلې ۲۰۴ منډې وکړې، چې د ټام ابېل ۶۸ منډې پکې شاملې وې.
سمرسېټ لوبډلې کېنټ ته په ۴۷ منډو ماته ورکړه او ټام ابېل د لوبې غوره لوبغاړی شو.
د نوین الحق دې لوبه
د شپې په لس بجو د نوین الحق دې اړوند لېسېسټرشایر لوبډلې او یارک شایر ترمنځ لوبه وشوه.
په دې لوبه کې یارک شایر لومړی توپوهنه وکړه، دې لوبډلې د په شل اورونو کې د جاني بېرسټو د ۸۲ منډو، د ادم لیت د ۵۱ منډو او د ډېوېډ وېلي د ۴۴ منډو په مرسته ۲۴۰ منډې وکړې.
نوین الحق په څلورو اورونو کې ۴۹ منډې ورکړې، جاني بېرسټو او ډېوېډ وېلي یې وسوځول.
لېسېسټرشایر لوبډلې په شل اورونو کې د ۸ وېکټو په لوېدو سره د جاش انګلېس د ۸۲ منډو په مرسته ۲۲۲ منډې وکړې او لوبه ترې یارک شایر په ۱۸ منډو وګټله.
د لوبې غوره لوبغاړی جاني بېرسټو وپېژندل شو.
نوین الحق په دې لیګ کې ټولې څلور لوبې کړي او ۸ وېکټې یې ترلاسه کړي دي.
نن شپه اته نیمې بجې د قیس احمد دې اړوند لوبډله کېنټ د ګلامورګن پر وړاندې او د نوین الحق دې اړوند لوبډله لېسېسټرشایر د شپې لس بجې او ۱۵ دقیقې د واروېک شایر پر وړاندې د سیالۍ ډګر ته ښکته کېږي.
دا لیګ د جون په نهمه پیل شوی او د سپټمبر په ۱۸ مه پای ته رسېږي.
په دې لیګ کې راشدخان او مجیب الرحمن هم اخیستل شوي دي، مجیب الرحمن د ویزې د ستونزې له امله پر وخت نه دی رسیدلی او د مېډل سېکس لوبډله ورته د ورتګ لارې څاري او راشدخان به له پي اېس اېل لوبو وروسته انګلستان ته ولاړ شي او له سسېکس لوبډلې سره به مل شي.
