خطرناکه حالت، ملیشه جوړونه د امریکا او بریتانیا طرحه ده
خبریال ویب پاڼه/ درې کاله وړاندې د امریکا او بریتانیا له لوري د افغانستان د مشرانو جرګې ته داسې یوه طرجه وړاندې شوې چې له مخې يې د پوځ او پولیسو له لیکو باید مسلکي افسران او جنرالان له وخت مخکې باید تقاعد ته سوق شي.
د افغانستان د مشرانو جرګې غړي او د دې جرګې د شکایاتو کمیسون پخواني مشر ډاکټر زلمي زابلي پر خپله فېسبوک پاڼه باندې د هېواد اوسنی حالت خطرناکه بللی او د ملېشه جوړونې او خلکو وسلوال کیدو په هکله يې غبرګون ښودلی.
زلمي زابل وویل چې امریکا او بریتانیا د پاکستان د غوښتنې سره سم نه غواړي چې زموږ امنیتي سکتور قوي او مسلکي و اوسي ځکه درې کاله مخکې لاهم دا پلان وو، چې مسلکي په زده کړو سمبال افسران له وخت مخکې باید تقاعد ته سوق شي.
ښاغلي زابلي وویل چې د حکومت مشرانو نه ملي ګټو او نه هم ملي موخې په نظر کې ونیولې او لسګونه مسلي جنرالان يې له وخت مخکې له کارونو منفک کړل او د جندر په نظر کې نیولو سره يې غیري مسلکي نجونې پر لوړو دندو وګمارلې، چې په داسې کړنو زموږ نظامي ځواکونونه د مدیریتي خلا سره مخ شول او دا هم باید وویل چې زموږ ملي امنیتي ځواکونو په ډیرو کمو امکاناتو له هېواد او وطن څخه دفاع کړې.
زلمي زابلي وویل:
غربیانو دافغانانو په وینه تویولو سره خپل د اوسپنی عقدوي زړونه نور هم فولادین کړل ، د شیطاني طرحې په کار اچولوسره یې د سولی تر نوم لاندې د افغانانو په منځ کې جگړه شدیده کړه، د امریکا او ناټو د قواو دوتلو تر نوم لاندې یې نړۍ ته فریب ورکړ ، خو د کابل د هوایی ډگر د ساتلو تر نوم لاندې يې بیرته د غرب قواوي په افغانستان کې پاته کیږی تر څو خپلو شومو موخو ته د افغانانو د عام وژنې او د افغانستان د ویجاړولو په قیمت ، ورسیږی؛؛
د افغانستان دا پيژندل شوی سناتور پر داسې مهال دا څرګندونې کوي چې تازه په یوه شمېر ولایتونو کې د ملکي کسانو وسلوال کیدل پیل شوي او د ولسي پاڅو تر نامه لاندې پخواني جهادي جنګسالاران هم له طالبانو سره د جګړو کولو اعلان کړی چې خلک يې خورا اندېښنه کې اچولي