ایران: د افغانستان امنیت زموږ امنیت

خبریال ویب پاڼه/ د ایران د بهرنیو چارو وزارت په خپل نوي دریځ کې روښانه کړې چې په افغانستان يې امنیت او ثبات په ګټه او کولا شي ډیرڅه ترې ترلاسه کړي.

دوی ویلي د ایران امنیت افغانستان سره تړلی دی ځکه نو د دې هېواد وضعیت او حالت له نژدې څارې او د هر بدلون لپاره چمتوالی نیسي.

ایران ټینګار کړی چې افغان جګړه یوازي د خبرو له لارې حل کیدلای شي او د دې موخې لپاره باید ټول اصیل افغاني اړخونه راټول او په هېواد کې د شته ناخوالو په وړاندې هڅه وکړي.

د ایران د بهرنیو چارو وزیر سعید خطیب زاده ویلي په افغانستان کې د داسې حکومت غوښتوونکې دي چې ټول افغان اړخونه پکښي خپل ځان وویني

نوموړي پر طالبانو ږغ کړی او د روانې جګړې مخالفت یې کړی دوی ویلي طالبان باید خبرو ته حاضر شي او نه شي کولای چې د جګړې له لارې قدرت ته ورسیږي ځکه نو پر همدې موخه باید له جګړو په شاشي.

دوی ویلي دا چې د افغانستان امنیت پر ایران مستقیم اغېز لري نو له مخې يې دوی هرڅه له نژدې څارې

د افغانستان ګاونډیان

د ګاونډیو هېوادونو مثبت اغېز کولای شي چې د افغانستان پر امنیت او ثبات غوره اغېزه ولري ولې تراوسه  پوري د افغانستان هیڅ ګاونډې د همدې ایران په ګډون د افغانستان لپاره ثابت قدم نه دی ایښی او  هرڅه چې وايي درواغ وايی.

د افغانستان بل ګاونډی پاکستان چې په دوه مخې توب کې نړیوال شهرت لري دا مهال افغانستان ته ور له غاړې دی ټول نړیوال پر دې هېواد تور لګوي چې د تیرو څلورو لسیزو را په دې خوا په بیلابیلو تاکتیکونو  افغانستان کې خپله نیابتي جګړه مخ ته بیايي او غواړي د افغانانو په وژلو سره خپلو شومو موخو ته ورسیږي ولې څوک به اجازه ورنکړي.

په دې وروستیو کې دا هېواد  د خپلو چارواکو په بیلابیلو خواخوږو او مغشوشو ویناوو، باندې حالت ګډوډ او خپله ګته پورته کړي خو په دې وروستیو کې د افغان دولت دچارواکو جدیت د دوی د نا رضایتي  سبب ګرځيدلی او څه یې وارخطا کړي خو داسې ګمان کیږي چې د افغان چارواکو دا نارضایتي به هم تمثلي بڼه ولري ځکه ورته هیلې نشته