طالبانو د ولسوالۍ دهراود ودانۍ ونیوله

خبریال ویبپاڼه/ راپورونه وايي چې د ارزګان دهراود ولسوالۍ کې له دوامداره جګړو وروسته نن وسلوالو طالبانو په د دهراود ولسوالۍ ودانۍ هم نیولې چې دا ولسوالۍ په بشبړه توګه سقوط سوه

د دې ولسوالۍ مسؤلین وايي طالبانو پرمختګ کړی چې د ولسوالۍ ترڅنګ يې د امنیه قوماندانۍ ودانۍ هم نیولې د دهراود امنیه قوماندان هم تاید کړ چې تیره شپه وسلوال دولسوالۍ ودانۍ ته ننوتل د ولایت ولایتي مسؤلین بیا وايي چې دهراود کې د وسلوالو پر ضد عملیات پیل سوي.

له هلمنده را وروسته د کندهار ارزګان ولاییتونو یو شمېر ولسوالۍ له سختو جګړو سره مخ سوې چې  پرمهال یې د ملکیانو پر ګډون دواړو لورو ته مرګ ژوبله واوښتله د دې ولایتونو سیمه ییز چارواکي له جګړې وروسته دخیر او خیرت راپور ورکوي خو واقعت دادی چې هره شېبه په جګړه کې وسلوال طالبان پرمختګ کوي تراوسه پوري د ارزګان ترڅنګ هلمند او کندهار کې هم د نا امنیو لړۍ روان ده چې ښايي دا جګړې نورې هم اوږدې سي

د دې جګړه سره هممهاله یو شمېر اندېښنې هم را ولاړې سوې عام خلک وايي د سولې لپاره چې يې کومه هیله درلوده پیکه سوې او اوس د دې په لټون کې دي چې څنګه به په جګړو کې امن ځای پیدا کوي د دوی له انده چې باید د جګړې ښکېل لوري په جګړه کې  د عامو خلکو ژوند ته پاملرنه وکړي

له هلمند ارزګان او کندهار ولایتونو څخه د راپورونو له مخې د تازه جګړو څخه زرګونه کسان بې ځایه سوې چې زیاته برخه کې يې ښځې او ماشومان جوړوي چې تراوسه ورسره د اړتیا وړمرسته هم نه ده سوې مالومات ښيي چې له یوه لوري هوا یخه ده او له بل پلوه دا خلک د سرپنا ځای نلري چې له دې  امله يې ستونزې  زیاتي او باید ورسره بیړنۍ مرستې وسي دا خلک له دولته هیله لري چې اړینې مرستې به ورسره وکړي