جوبایډن پوتين ته تر کنځلو هم یو قدم ورواوښت

جوبایډن پوتين تر کنځلو هم یو قدم ورواوښت

خبريال وېبپاڼه- د امريکا د متحده ايالاتو ولسمشر جوبایډن نن په روسيه سختې نیوکې وکړې، بايډن نېږدې و چې پوتين ته سپکې سپورې وايي، وروسته یې پوتين مخاطب کړ او‌ ویې ویل چې ته یو قاتل يې.

جوبایډن په داسې حال کې پوتین ته قاتل وايی چې په ایران او روسیه باندې نن بيا د امریکا څخه سخت تورونه پورې شول چې د امريکا په ټاکنو کې یې لاس وهنه کړې ده.

جوبایډن وویل چې قاتل پوتین به ددې هرڅه بيه او بدل خامخا پرې کوي، دا چې جوبایډن پوتين ته ولې قاتل وويل ورڅخه بېلابېل تفسيرونه شتون لري، د چارو ځینې شننوکي وايي چې بایډن د ټاکنو د مداخلې د مسلې څخه پوتين ته قاتل نه وايي بلکې دا خبره د سوریې سره تړاو لري.

خو کاله وړاندې کله چې په سوریه کې د ديکتاتور بشر الاسد په وړاندې لاريونونه پيل شول په وروستۍ اونۍ کې نېږدې وه نور چې اسد ددې هېواد څخه بهر وتښتي، د اسد کورنۍ تهران ته تللې وه پخپله اسد هم نور د دتېښتې لارې چارې لټولې‌.

په‌ داسې حالت کې چې سوریه نور د اسد د کورنۍ د لسیزو دیکتاتورۍ څخه په خلاصېدو وه د روسیې هوايي ځواکونو په سوریه کې د قتل عام بمبار پيل کړ، کيمياوي وسلې یې استعمال کړې او په زرګونو انسانان یې ووژل.

روسيې يو ځل ته په کراتو باندې په سوريه کې کيمياوي سولې وکارولې او په هره حمله کې يې په لسګونو او سلګونو انسانان په قتل ورسول، بلاخره د روسیې دا قتل ددې سبب شو چې د بشر الاسد بيا په خپله چوکۍ کښېني.

شننونکي وايي چې د امريکا د متحده ايالاتو ولسمشر جوبایډن پوتين ته د قاتل کلمه له همدې کبله وکاروله چې هغه په سوریه کې په سلګونه زره بې ګناه خلک او ماشومان قتل کړل.

دا ښکاره خبره ده چې د جوبایډن خبره روسيې ته یوازې د سوریې د قتل عام له کبله نه وه، بلکې په دې وروستيو کې د امريکا او روسيې ټکر سره نېږدې شوی دی.

دا ټکر د نړۍ په ډېری مسلو کې اوس نېږدې شوی دی، په ځانګړي ډول په اروپا کې، اروپا د انرژۍ په لحاظ په روسيه متکي ده او امريکا غواړي چې دا اتکا کمه شي، خو اروپا دننه د روسیې سره په دې برخه کې نوره همکاري هم زياتوي، د شمال سټريم دوه پروژه يو له هغه پروژو څخه ده چې امريکا، اروپا او روسیه سره ورباندې ستونزه لري.

د جرمني له لارې د ګازو دا پایپ لاین به اروپا ته په لنډه روسی ګاز ورسوي، خو د بل لوري امریکا غواړي اروپا ته خپل ګاز ورکوي او اروپا په ځان پسې وابسته کړي، خو د ډونالډ ټرمپ له دورې وروسته اوس اروپايي هېوادونه په دې قناعت شوي دي چې بايد په امريکا ډېر حساب ونکړي او په ځان بسيا شي.