له بشري حقونو سرغړونه، امریکاپاکستان ته په قهر سوې

خبریال ویبپاڼه/ د امریکا د بهرنیو چارو وزارت په خپل یوه تازه راپور کې چې خپور کړی يې دی پاکستان تورن کړی چې په تیر ۲۰۲۰ کال کې يې له بشري او انساني حقونو څخه سرغړونه او تیری کړی دی.

په دې راپور کې راغلي چې د پاکستان امینتي ادارې بغیر له قانونه وژنې کوی خبریالان او نور حق غوښتوونکې فعالان يې تر فشار لاندې راوستي او د ویل حق نه ورکوي په راپور کې راځي، چې دولت د خلکو بې درکه کولو کې لاس لري او د اقلیتونو دغوښتنو او اواز لوړولو په هکله پابندي لګولې.

امریکا د بهرنیو چارو وزارت په خپل دې رپوټ کې د پاکستان پوځ، له کورنو څخه د خلکو ورکیدل، د بیان ازادي پر وړاندې خنډونو، او پر یو شمېر اقلیتي قومونو د بندیزونو یادونه سوې چې پرمهال يې د دې ټولو په هکله جزیات هم ورکړل سوي.

پاکستان کوښښ کړی چې په کور دننه د فعالانو ژورنالستانو او نور هغه خلکو چې حقونه غواړي ږغ خاموشه کړي خو په پآکستان کې میشت پښتانه او بلوڅان د پاکستان دې نامشروغ کړنو په وړاندې خپل اواز اوچت کړی او دا مهال میلیونونه پښتانه د پي ټي ام تر چتر لاندې د پاکستاني ریاست  د هر ظلم او ناوړه کړنو په وړاندې دریدلي او خپل ږغ يې تر نړیوالو رسولی همدارنګه هلته میست بلوڅ ملتپالو په وسله واله مبارزه سره له دې  هېواده د خپلو حقونو غوښتنه کړې خو دا چې لاهم پاکستانی ریاست دې ته چمتو نه دی هلته میشتو پښتو او بلوڅو ته خپل حقوق ورکړی لايې هم په وړاندې دریږي او خپلو مبارزو ته به دوام ورکوي.

د امریکا د بهرنیوچارو وزارت راپور د پاکستاني پوځ اړوند زړه بږنوونکی دی په رپوټ کې راغلی چې په ډيری سیمو کې پاکستاني پوځ ته حق ورکول سوی چې خلک ونیسي او تر ډيره یې له ځان سره وساتي او هلته زندان کې هم د دوی د حالت په هکله اندېښنې موجودي دي په ورته وخت کې له کورنو څخه د بې درکه سویو کسانو په هکله هم اندېښنې شریکې سوي او ویل سوي دي چې د استخباراتو او نور امنیتي ادارو له لوري خلک نیول کیږي او پر نامالوم لوري وړل کیږی.

پاکستان کې رسمي شمېرې ښيي چې تراوسه له کورنو څخه د بې درکه سویو کسانو شمېر ۲۱۰۰ کسانو ته رسیدلی خو دا شمېره تر دې هم لوړه ده