څلور پاکستاني عسکر د یوه ماین خوراک سول

خبریال ویب پاڼه/ ځايي وخت ماښام وو، چې په تربت کې د پاکستاني عسکرو پر یوه بوسته چک پانټ باندې چاودنه سوې او څلور عسکر يې ځای پرځای هلاک کړي دي،

د راپورونو له مخې چې ماښام روژماتی کیدونکی وو چې څلور پاکستاني عسکر د دې ماین چاودنې خوراک سول که څه هم تراوسه د پیښي مسؤلیت چا پرغاړه نه دی اخیستی خو ډيری وخت د پاکستاني عسکرو هلاک کوونکي بریدونه د بلوچستان ملتپال وسلوال کوي.

ویل کیږي عسکرو له خلکو تلاشي اخیسته چې ماین پرې ګړز وهلي او څلور عسکر یې ځای پر ځای وژلي دي او ویل کیږي یو او نیم ملکی وګړي هم په دې چادونه کې ژوبل سوي خو کره شمېره يې نه ده مالومه.

پلوچستان کې هیڅ پاکستاني عسکر امن نه دي او دوی هم د بلوڅ ملتپالو له ډاره هرڅه ته پوره چمتوالی نیولی وي تراوسه د تربت د چاودنې مسؤلیت چا پرغاړه نه دی اخیستی.

په دې وروستیو کې د پاکستان تر ولکه لاندې بلوچستان کې د پاکستاني عسکرو پر وړاندې وسلوال غبرګونونه زیات سوی چې پاکستانی دولت يې وارخطا کړی او د دې بریدونو په مخنیوي کې پاتي راغلی.

بمي چاودنې او مخامخ جګړې د بلوڅ ملتپالو د ورځنۍ مبارزې یوه برخه ده او هغوی څو ځله ټینګار کړی چې د پاکستاني عسکرو او دولتي کارکوونکو وژلو ته به دوام ورکوي.

که څه له کلونو را په دې خوا بلوڅ ملتپالو د پاکستاني رژیم په وړاندې وسله پورته کړې او خپله حقه مبارزه يې پیل کړې خو په دې وروستیو کې يې بریدونه زیات سوي او داسې ښکاري چې د بلوڅ ملتپالو دا ډله په یوه لوی ځواک بدلیږي او یوه ورځ به راسي چې د پاکستاني ریاست څخه به د وسلې په زور خپله خپلواکي اعلان کړي.

دوه ورځې وړاندې هم بلوڅ ملتپالو په یوه برید کې شپږ پاکستاني عسکر غځولي وو، لیبریشن فرنټ ډله چې فعاله بلوڅ ملتپاله وسلواله ډله ده په خپل یو تازه بیان کې ویلي چې پر پاکستاني عسکرو يې یوځل بیا قیامت جوړ کړی او وژلي يې دي.

کیسه کوي چې پاکستاني عسکر له خپلې پوستې کښته سوې او اوبو پسې تللی وو، چې بلوڅ مجاهدینو په هدف کې راوړي او ډزې يې پرې کړې چې څلور  يې ځا پرځای هلاک کړي او دوه په ټپي حالت پوستې ته رسیدلي چې ښايي هغلته ته یې د ژورو ټپونو له امله ساه ورکړې وي.

د دې ډلې د مالوماتو  له مخې د کیچ دښته چې پکښي یوه و نیمه د پاکستاني عسکرو پوستې شتون لري نن يې ملګرو همدلته پر پاکستاني عسکرو وار کړی او زړه یې پرې یخ کړی.